عفوا يجب عليك الاشتراك بصفحتنا على الفيسبوك أولا

124
عودة المارد UltraSurf بنسخة جديدة تصفح صاروخى تحميل 70:100 kb/s..

بسم الله الرحمن الرحيم
طبعآ الموضوع دا طرحته فى المدونة من شهرين فاتوا تقريبآ و هو عن برنامج UltraSurf أنا بعتبره أفضل برنامج بعد YourFreedom لتوصيل نت مجانى،أجمل حاجة فى البرنامج أنه خفيف و بورتابل يعنى مش هيحتاج تسطيب،طبعآ البرنامج كان عيبه السابق الـ Uploading كان بطئ جدآ فى الرفع و إضافة الردود و تسجيل الدخول فى المنتديات و غيره،لكن بعد ما نزلت النسخة الجديدة من البرنامج مبقاش فيها الكلام دا كله..
برنامج خفيف،سرعة تحميل 70:100 ،دلوقت تقدر تضيف ردود و تسجل دخول عادى جدآ،بصراحة برنامج من الأخر و أنا بنصح بيه كل الناس الجديدة معانا،إنما الناس القديمة عارفة قيمة البرنامج كويس..
و دا نص الموضوع القديم اللى تم فيه شرح البرنامج ما تغيير رابط التحميل لرابط تحميل النسخة الجديدة..
موضوعنا النهارده عن برنامج صغير لا يتعدى حجمه ال 500 كيلو بايت و رغم حجمه الصغير فهو يستطيع اختراق شبكة اتصالات بكل سهولة..
من مميزات البرنامج سرعة التصفح و التحميل
و من مميزاته الاضافية اخفاء الاى بى IP و فتح المواقع المحجوبة و غيرها الكثير من المميزات..
عيب البرنامج الوحيد هو انه بطئ فى الرفع Upload
بس سرعته فى التصفح و التحميل هتغطى على مشكلة الرفع..
نبدأ الشرح..
 ************************** 
1-هتعمل اتصال connection على شبكة اتصالات بخط عادى (مش داتا) مفيهوش رصيد 
عن طريق اليو اس بى مودم أو عن طريق توصيل الموبيل بالكمبيوتر ليعمل كـ يو اس بى مودم و أنا شرحت الموضوع دا قبل كده فى الموضوع دا..
2-هنفتح البرنامج بتاعنا و نتبع الشرح بالصور..

ملحوظة : تم تصغير الصور اضغط على الصورة لمشاهدتها بالحجم الطبيعى..





* دلوقت أقفل البرنامج و أفتحه من جديد.. 


* كده البرنامج أخترق الشبكة و كله تمام مش فاضل غيرأنك تظبط اعدادت برامجك عشان تتصل من خلال برنامج الاختراق بتاعنا..

- اعدادت المتصفح (فيرفوكس)..
أفتح التالى بالترتيب..
tools
.
options
.
و أعمل زى الصورة



* بكده نكون خلصنا من اعدادات المتصفح نيجى لاعدادت مدير التحميل (انترنت دونلود مانجر)..
-هنفتح options و تابع مع الصور..


 
 بكده يكون شرح برنامج النهارده خلص مش فاضل غير تحميل البرنامج

@samoray3b يا جميل أنا مقدرش أزعل منك،أنا بس مشغول و الله و أن شاء الله تلاقى طلبك موجود قريب..
@kimo موضوعك محتاج شوية تجهيزات يا كبير و أن شاء الله ينزل قريب،و متقلقش يا صاحبى لو الناس إياهم وقفوا على شعر راسهم مش هيقدروا يعملوا حاجة،شكلك متعرفش صاحبك كويس ،و أفتح مايلك عشان عندى خبر حلو ليك..
@mostafa تسلم يا صاحبى ع الشغل العالى اللى أنتا عامله،و أفتح مايلك يا حاج عشان عايزك ضرورى..
@الأخ اللى بعتلى و بيقولى لو أنتا عايز مقابل مادى أنا تحت أمرك،بجد كلامك زعلنى أوى لأنى لو كنت بفكر بطريقة دى كنت هبيع الحقوق الحصرية لأقل موضوع فى المدونة بـ 100 جنيه و أتعرضت عليا من ناس قبل كده،بس أنا برضو ملتمسلك عذر عشان أنت لسه متعرفنيش و أن شاء الله موضوع النهاردة ينفع معاك..
@****E معلش يا جميل مش هينفع أنقل مدونة لمنتدى و أظن أنت عارف أسبابى كويس ممكن لو عايز تساعدنى فى المدونة مرحب بيك فى أى وقت..
@الراجل المحترم جدآ *****Abd El بجد اللى أنتا عملته دا أثبتلى أن الدنيا لسه بخير،عاجز عن الشكر..
@كل الناس المحترمة اللى بتحاول تساعد غيرها و ترد بالنيابة عنى،بجد أسعدتونى..
@كل الناس اللى بتساعد فى نشر المدونة شكرآ ليكم بجد كده أنتوا بتشجعونى ع العطاء أكتر و أكتر..
@كل الناس اللى بتاخد حاجتها و تمشى لا حس ولا خبر،مش مسامحلكم فى اللى أنتوا بتاخدوه..
و ليكن شعارنا معآ لجعل مدونة الـ 3 شهور الأولى عربيآ..

124 تعليقات:

Fisho يقول...

الاستاذ بلوشى
بجد بجد بحييك على عفة نفسك
انتا هتكون باشا مهندس قد الدنيا
الجماعه بتوع الحصرى يا عينى مش عارفين يعملوا ايه
شويه يقولك باسورد وشويه يقولك اعضاء معينه موثوق
فى نزاهتها واشتراك شهرى
محسسينى انى فى مركز اتصالات)
ريحوا بالكم احنا فى زمن المعلومات والفكرة بتتنشر
بسرعة الضوء ومش هتكونوا احسن من مايكروسوفت ولا اذكى منها ومع ذلك برامجها بيتعملها كراك وغيره

غير معرف يقول...

على فكرة انا مبسوط انى اول واحد يرد على الموضوع ده
انا مبسسسسسسسسوط جدا على شان انت راجل محترم و بتعمل كل ده على شان المصلحة العامة و بجد ششششششكرا ليك مستر بلوشى

غير معرف يقول...

الف شكر بس البرنامج لما جه افك ضغطه مرضاش مش عارف ليه اند الف الف شكر تانى وربنا يسعدك

ebrahimebo يقول...

‏ جميل جدا _ ما شاء الله _
أنا بصراحه أول مادخلت المدونه وشوفت مواضيعها دي مكنتش مصدق نفسي ولما جربتها كنت طاير من الفرحه _ شئ هايل بصراحه _ أنا بإذن الله بقدر إستطاعتي هحاول نشر المدونة لأنها تستحق بجد _ صاحب المدونه والناس اللي بتساعده ناس محترمه وتستحق كل خير ودعوة من القلب ربنا يباركلكو وأتمنى أقدر أساعد بأي حاجه

غير معرف يقول...

على فكره انت تمام و كده بترد على الناس اياهم اللى انفردوا بالقسم ايااااااااه ... فاهمنى طبعا ... و عييييييييييش ..

غير معرف يقول...

تسلمنا يا مستر بجد انت فظيع جدا ربنا يقويك

غير معرف يقول...

nice to see u again mr .balooshi

غير معرف يقول...

طيب هل تنفع الطريقة على يو اس بى مود اتصالات ياريت الرد ولا لازم خط تليفون عادى تعمل منة كونكت ياريت التوضيح

Mr Euphoria يقول...

شكرآ يا شباب ع المرور و الكلام الجميل دا اللى بيحفزنى أكتر و أكتر و أن شاء الله أكون عند حسن ظنكم دايمآ..
الأخ اللى بيقول جا يفك ضغط البرنامج دا،أكيد عندك مشكلة فى برنامج فك الضغط بتاعك..
الأخ اللى بيستفسر هل الطريقة تنفع يو اس بى مودم إتصالات ولا لأ،واضح إنك لسه جديد معانا..
الموضوع ببساطة..
هتشيل الشريحة الداتا اللى جوا المودم و تحط مكانها شريحة إتصالات عادية مفيهاش رصيد طبعآ، و بعد تروح على برنامج الإتصال بتاع المودم و تعمل اتصال (Connection) عادى جدآ و بعدين تتبع الخطوات اللى فى الموضوع بالظبط..

محمود عبد الحكيم سمسطا يقول...

يا باشا شكرا علي محهودك العظيم وربنا يجعلك عونا للغلابة الي زينا الي مش فايض معاهم فلوس للنت

غير معرف يقول...

يا باشا شكرا علي مجهودك العظيم وربنا يجعلك عونا للغلابة الي زينا الي مش فايض معاهم فلوس للنت

غير معرف يقول...

الشيرنج بقا اية اخبارة ياجماعة محدش راضى يتكلم عنة خالص لية طبعاً الاخ العزيز صاحب المدونة ربنا يجزيك خير
عامل شروحات كتير لطرق الاتصال بس فاضل بقا الطريقة السليمة لتحريج نت للريسيفر لعمل شيرنج برجاء المساعدة

ميمو يقول...

انا فكرت اشتري يو اس بي مودم احسن من الي معايا

عشان يزود السرعة .

الكلام ده صح ولا لأ

mina يقول...

على فكرة انت بجد استاذ وكل الطرق شغال كويس جدا بس عندى استفسار

كل المواضيع الى انت بتحطها شغالة وسليمة بس

الدونلود على الموبيل هل مبيزدش عن 50 - 55 كيلو

وهل اليو اس بى بس الى بتوصل عشان سريعة

ولا ايه

وعموما انا بشكرك جدا على كل مواضيعك المميزة دايما

وياريت لو تجبلنا طريقة للموبيل بس فودافون للنت

شكرا

el_joker يقول...

جاااااااااااامد جدا تسلم ايدك و في انتظار المزيد

samoray3b يقول...

الف شكرا يا كبير انا كنت واثق انك مش زعلان مني وبما انك مشغول انا مش حزعجك تاني بس يريت بضفني ايميل ‎
samoray3b@yahoo.com
انا مستناك يالا سلام يا كبير والف شكر بإهتمامك بطلباتنا انت نصيرنا والله

غير معرف يقول...

السلام عليكم
معاك eng‎_3osemy ‎‏ الف شكر يا كبير على مجهودك الرائع وربنا يكرمك

غير معرف يقول...

eng‎_3osemy
بصراحه الواحد حاسس انا المدونه دى بدل الجرايد لازم كل يوم الصبح ادخل اقرا الجديد
وده يعتبر نجاح كبير للمدونه

Admin يقول...

ماشى يا كبير انا كريم,بس هو صعب اوى ان افتح ايميلات عشان الطب مدوخنى ,لو فى حاجة قولى عليها فى ايميل و يا ريت تفرحنى يا كبيييييير
و انا عندى افكار كتيرة بشتغل فيها سواء للموبايل او الكمبيوتر

غير معرف يقول...

موضوع النهارده جاااااااااامد وكنت احب اعرف انته هندسة ايه؟
جامعة ايه؟

a يقول...

جامد يا باشا ...............الف شكر

شغال 100% ...........65kb/sec

الله ينور

غير معرف يقول...

مشكور ياكبير علي كل موضوعاتك الحصرية وبرامجك المتميزة

مروان يقول...

شكرا يا جماعة على الموضوع الجميل وعلى فكرة البرنامج دة أحسن من اليور فريدم ويعتبر أحسن برنامج لإتصالات
أنا دورت على النت لقيت إن تقريبا كل برامج الvpn بتشتغل مع إتصالات لكن كل البرامج إللي شغلتها كان ليها عيوب!!! وبصراحة أفضل برنامج شوفته لحد دلوقتي في مجال الثغرة إياها بتاعة إتصالات كان ultrasurf "أنا هافضل أدور على برامج تاني بس ماظنش فيه برنامج أحسن من ده"

وبالنسبة لموضوع الكونكشن بتاع فودافون إللي مابيرضاش يفتح إلا بجنيه أنا عندي طريقة شغالة لعمل كونكشن من غير فلوس
فاضللي بس برنامج لإختراق الشبكة وهنزل الموضوع عندكم هنا في المدونة الرائعة دي "مروان"

غير معرف يقول...

انا شغلت البرنامج تمام ودخل نت بس اية طريقة تشغيل ياهوو والهوتميل يرجاء الرد

expenaticx يقول...

sho3'l gaamid ya basha

refining man يقول...

مشكور جدا بجد يا صديقى العزيز-لو تسملحلى يعنى اقولك يا صديقى-جزاك الله كل خير

غير معرف يقول...

مشكوووووووووووووور يا كبير بس الللينك بتاع البرنامج مش شغال

iMoustafa يقول...

شكرا جزيلا لك اخوى على البرنامج الروعة ^_^

muhammed ahmed يقول...

bgad No Comment msh hynfa3 a2ol 7aga
klmt el shokr ba2et 2lila awe awe awe
el wa7d msh 3arf y3mlak a bsara7a

Mohamed Tal3at يقول...

الف الف شكرا يا صديقي على مجهوداتك الكتيييير كلها جامده وربنا يزيدك يا رب

هوه في حاجة واحدة بس احنا عايزينك تشوفي ليها حل الاول الياهو والام اس ان دووول ملهومش حل خالص يعني يا ريت لو في طريقة يا صحبي واكون شا كر ليك والف الف شكر وتسلم ايدك على المجهووووود الرائع ده

Code يقول...

شكرا يا مستر بلوشى على النسخة الجديدة
بس نفس العيب القديم بيفصل كتير والسرعه نفسها هى هى متغيرتش انا معايا يو اس بى اتصالات والسرعه مش بتزيد عن 50 او 60 ومش بيحمل ملفات كبيرة كل شوية يفصل
والشبكة عندى HSDPA , UMTS

و اكتشفت حل حصرى لكثرة الفصل هشرحو للناس حالا عشان الكل يستفاد:
اتبع التعليمات والشرح

1-حمل برنامج Nokia PC Suite

2-بعد نحميل البرنامج ضع اليو اس بى مودم بالجهاز وانتظر حتى يتعرف عليها البرنامج ولا تقوم بعمل اى اتصال من خلال البرنامج الملحق مع اليو اس بى

3-بعد ان يتعرف الجهاز والبرنامج على اليو اس بى مودم اذهب الى Nokia PC Suite واختار INTERNET CONNECTION من قائمة FILE او من ايقونة INTERNET CONNECTION

3- ستظهر نافذة الاتصال بالانترنت لا تضغط اتصال ولكن اتبع التالى
4- اضغط على ايقون SETTING اللى جنب ايقون CONNECT
هتختار اليو اس بى مودم هاوى من القايمة من فوق ثم اضغط NEXT

ثم قم بعمل اكسس بوينت خاص ولا تختار الاكسس اللى هوة مجهزة ليك هتعملة كالاتى

APN:mobile.etisalat.eg.com
password:internet.etisalat
username:internet.etisalat
واضغط next

دلوقتى بقى تقدر تعمل اتصال بالاعدادات دى من خلال Nokia PC Suiteومش هيفصل خالص الا نادر جدا

وسيبك بقى من اللاتصال من البرنامج المدمج مع اليو اس بى

كدة انتهى الشرح يارب اكون حليت مشكلة الفصل والتقطيع المستمر مع الالترا بكل انواعها

وياريت يا مستر بلوشى تاخد الطريقة دى وتعملها موضوع بالصور عشان مش عارف احمل صور للشرح

واقول للاخ "مروان"
ياريت تشرحلى هنا طريقة عمل كونكشن من غير فلوس على فودافون وانا باذن الله اكمل الباقى اظبط البرانامج اللى يفتح الانترنت
بس ياريت تكون طريقتك على اكسس بوينت wap.vodafone
او على internet.vodafone.net
لانى بدور من زمان على طريقة اعمل بيها اتصال عليهم بدون رصيد مش لاقى

وياريت يا جماعه اللى عندة معلومة يقولها علطول يمكن حد غيرو يكملها ويشتغل عليها بطريقة مختلفة عشان الكل يستفاد
مينفعشى اقول عندى طريقة كذا بس مستنى كذا عشان اقولها
المعلومات بتكمل بعضها وقت ما الكل يشارك بمعلومة ناقصة غيرة يكملها بمعلومة عندة مش كدة والا اية

فى انتظار معلومة عمل كونكشن من فودافون على اكسس واب او انترنت فودافون منك يا مروان

_Code_

codea19@yahoo.com

غير معرف يقول...

ألبرنامج جااااااااااااااااااامد يا باشا بس في مشكله الهوتميل مش قادر افتحه خالص باي برنامج وده اهم حاجه عندي اكتر من التحميل او التصفح يا ريت لو في حل

والف شكر علي المجهود (:

غير معرف يقول...

شكرا جامد يا مان
واكرر انت فعلا راجل بجد
بس انا معاية 7610 وكان نفسى اعمل بيها داونلود وجربت كل البرامج اللى فى المدونة
بيوصل لاخر نقطة ومبيرضاش يحمل حاجة
فيا ريت تفيدنى فى الموضوع ده بسرعة
اخوك محمد

غير معرف يقول...

انا هشام وحابب اشكر على البرامج الرائعه بتاعتك بس انا عندي مشكلتين مع كل البرامج اللي في المدونه يا ريت حد يقدر يحلهملي اولا : الياهوو مش عارف اشغله خاااااااااااااالص مااااااااااااالص
ثانيا : لما بشغل البروكسيفير بفصل النت عن الجهاز وبيقف التحميل ومش عارف احط اي اعدادات يعني ياريت لو تشرح اانا مثلا هدخل نت بلااترا يبقا احط اعدادات ايه في البروكسيفير او مثلا هدخل نت بالجون دو يبقا احط اعدادات كام في البروكسيفير كدا يعني ولك مني الف شكر تقدير

غير معرف يقول...

انت راجل محترم جدا جدا بجد المدونة رائعة فعلا وأحسن ضربة للبتوع الحصرى الى بيسرقوا فى فلوس الناس عمال على بطال دول
بجد أستمر وربنا معاك

غير معرف يقول...

الف شكر اند البرنامج بيفصل برضو يا اخ code

غير معرف يقول...

ياجماعه اللي عاوز يفتح الهوتميل ممكن يفتحه عن طريق برنامج النيم باظ بالبرنامج ده ممكن تفتح ياهو وهوتميل وتتكلم صوت كمان وغير كده بيشتغل بالثغرة بتاع اتصالات واللي مش هيعرف يشغله يعرفني انا اسمي أشرف الغمري

villa_barca2010 يقول...

انا مش عارف اشكرك ازاي -كل اللي اقدر اقوله ربنا يكرمك

villa_barca2010 يقول...

مشكوووووووووووووووووووور

فاعل خير يقول...

السلام عليكم ورحمة اللة وبركاتة

شكرا جزيل مستر بلوشى

البرنامج شغال تمام والتحميل جامد

بس المشكلة برامج المحادثة مش شغالة

يريت حل للمشكلة واكون شاكر افضالك

غير معرف يقول...

فعلا برافوووووووووووووووووووووو

غير معرف يقول...

برافو بجد

مروان يقول...

" بسم اله الرحمن الرحيم "
شرح طريقة عمل كونكشن من على خط فودافون "عادي""""من الموبايل"""

انا نزلت الموضوع بدري علشان خاطر الأخ"code" واحب أقوله إن هدفي ماكانش إني أحتفظ بحاجة لنفسي بس هدفي كان إنه محدش يتلخبط علشان فيه ناس ممكن ماتعرفش تكمل لوحدها باقي خطوات الإختراق وهيقولو عى الموضوع "ملهوش لازمة" عموما أنا هاشرح الطريقة دلوقتي وهعملها موضوع كامل إن شاء الله بعد كدة لما أشغل برنامج يخترق فودافون لأن اليور فريدم مش شغال معايا غير مع إتصالات ومش لاقي وقت أدور على برامج تانية

الأدوات :
1-برنامج pc suit .
2-موبايل جيل ثالث يقدر يستقبل شبكة 3g
3-خط فودافون عادي من غير رصيد

الطريقة:
أولا: بعد تسطيب برنامج pc suit قم بفتح البرنامج وبعدين إضغط على أيقونة"connect to internet"
هتظهرلك نافذة"one touch acces" -إضغط على "configure" هيظهرلك إسم تليفونك دوس next
هيظهرلك إختيارين
علم على الثاني"configure the connection manualy"
هتظهرلك 4 خانات
(acces point -user name -password-additional commands) الرابعة دي ملهاش لازمة خلينا في أكسس بوينت ويوزر نيم وباسورد
هتكتب في خانة الأكسس بوينت إسم نقطة الوصول إللي هاتستعملها مثلا:

mms.vodafone.com.eg أو wap.vodafone.com.eg
او internet.vodafone.net
"أنا أفضل إستعمال فودافون mms لأنها أسرع واحدة فيهم"

أما ثاني و ثالث خانة فإعداداتهم زي بعض بالظبط
بمعنى: لو إنت هتختار نقطة وصول فودافون mms
هتكتب:
user name: mms
password: mms
ولو هتختار vodafone wap هتكتب:
user name: wap
password: wapولو هتختار فودافون إنترنت هتكتب:
user name:internet
password:internet

وبعدين نقوم نضغط على علامة الصح هترجع لنافذة الكونكشن
ندوس على زرار connect "هيعمل كونكشن.... بس قبل ما تفرح بالكونكشن هيفصل بعد 3 ثواني!!

بعد ما الكونكشن يفصل إقفل برنامج الpc suit وال one touch acces
وروح على Network Connections في الcontrol panel
هتلاقي كونكشن بإسم الموبايل موجود دوس عليه كيك يمين وإختار properties
ومن فوق إختار networking
وبعدين إضغط على properties
هتلاقي نافذة لتحديد رقم ip وdns
سيبك من خانة ip وعند خانة dns
إختار use following dns server
وإكتب :
prefered dns server :4-2-2-1
alternate dns server :4-2-2-2
ودوس أوك وكمان أوك
وبعدين كليك يمين على الكونيكشن ودوس connect وإكتب اليوزر والباس بتوع نقطة الوصول
ودوسdial
هتلاقيه عمل كونكشن ومش هيفصل إنشاء الله


marwan_zamalek@ymail.com

hans يقول...

ازاي اشغل الماسنجر مع الترا سيرف
ايه هي اعدادات البروكسي في الياهو و الهوتميل

غير معرف يقول...

يااخ اشرف الغمري يا ريت لو سمحت تشح ازاي نفتح الياهوو والهوت ميل انا مش لاقي اي طريقة تدخلني على الماسنجرات هنا في المدون خالص تقريبا كداه والله اعلم ان البروكسفير بيعملها بس انا مش عارف ازاي من خلال برنامج الالترا دا ياريت لو حد يعرف يبقا جزاه الله كل خير ...
وشكرا ليكم كلكم وعلى مشاركاتكم الجميله واهتمامك بالغير
اخوكم هشام .....

غير معرف يقول...

ياجماعة اية الحل مع الياهو والهوتميل برجاء الحل البرنامج شغال تمام بس المشكلة مع الياهوو والهوتميل

rain يقول...

يامظبطنا.... بامظبطنا
.............
الف الف شكر ياعبقرينو
كلو تمام
ربنا يخليك لينا

مروان يقول...

" بسم اله الرحمن الرحيم "
شرح طريقة عمل كونكشن من على خط فودافون "عادي""""من الموبايل"""

انا نزلت الموضوع بدري علشان خاطر الأخ"code" واحب أقوله إن هدفي ماكانش إني أحتفظ بحاجة لنفسي بس هدفي كان إنه محدش يتلخبط علشان فيه ناس ممكن ماتعرفش تكمل لوحدها باقي خطوات الإختراق وهيقولو عى الموضوع "ملهوش لازمة" عموما أنا هاشرح الطريقة دلوقتي وهعملها موضوع كامل إن شاء الله بعد كدة لما أشغل برنامج يخترق فودافون لأن اليور فريدم مش شغال معايا غير مع إتصالات ومش لاقي وقت أدور على برامج تانية

الأدوات :
1-برنامج pc suit .
2-موبايل جيل ثالث يقدر يستقبل شبكة 3g
3-خط فودافون عادي من غير رصيد

الطريقة:
أولا: بعد تسطيب برنامج pc suit قم بفتح البرنامج وبعدين إضغط على أيقونة"connect to internet"
هتظهرلك نافذة"one touch acces" -إضغط على "configure" هيظهرلك إسم تليفونك دوس next
هيظهرلك إختيارين
علم على الثاني"configure the connection manualy"
هتظهرلك 4 خانات
(acces point -user name -password-additional commands) الرابعة دي ملهاش لازمة خلينا في أكسس بوينت ويوزر نيم وباسسورد
هتكتب في خانة الأكسس بوينت إسم نقطة الوصول إللي هاتستعملها مثلا:

mms.vodafone.com.eg أو wap.vodafone.com.eg
او internet.vodafone.net
"أنا أفضل إستعمال فودافون mms لأنها أسرع واحدة فيهم"

أما ثاني و ثالث خانة فإعداداتهم زي بعض بالظبط
بمعنى: لو إنت هتختار نقطة وصول فودافون mms
هتكتب:
user name: mms
password: mms
ولو هتختار vodafone wap هتكتب:
user name: wap
password: wapولو هتختار فودافون إنترنت هتكتب:
user name:internet
password:internet

وبعدين نقوم نضغط على علامة الصح هترجع لنافذة الكونكشن
ندوس على زرار connect "هيعمل كونكشن.... بس قبل ما تفرح بالكونكشن هيفصل بعد 3 ثواني!!

بعد ما الكونكشن يفصل إقفل برنامج الpc suit وال one touch acces
وروح على Network Connections في الcontrol panel
هتلاقي كونكشن بإسم الموبايل موجود دوس عليه كيك يمين وإختار properties
ومن فوق إختار networking
وبعدين إضغط على properties
هتلاقي نافذة لتحديد رقم ip وdns
سيبك من خانة ip وعند خانة dns
إختار use following dns server
وإكتب :
prefered dns server :4-2-2-1
alternate dns server :4-2-2-2
ودوس أوك وكمان أوك
وبعدين كليك يمين على الكونيكشن ودوس connect وإكتب اليوزر والباس بتوع نقطة الوصول
ودوسdial
هتلاقيه عمل كونكشن ومش هيفصل إنشاء الله

أحمد محمود يقول...

السلام عليكم يا باش مهندس.
والله الأفكار كلها حلوه اوي المدونه دي جميله جدا جدا .
بس دا تاني موضوع اعمله وماينجحشي معايا ومش عارف اوصل إنترنت من إتصالات دي خالص .
بالنسبه للموضوع دا انا عملت كل الخطوات والبرنامح بيقولي faild to connect server.
نفسي اعرف ليه .
والمره التانيه بردو بتاعه موضوع ( كلاكيت 7 مره إدخل علي النت من إتصالات ببلاش ببرنامح tor) بردو ما رضيش يدخلي علي الإنترنت
مع العلم أنا باستخدم الموبايل ( n76 nokio) كامودم بإستخدم نوكيا بي سي سيوت. ومعايا خط إتصالات اهلا.
اتمني ان ترد علي عشان انا خلاص بدأت اتشاءم من النت وإتصالات .
لك مني جزيل الشكر والتقدير علي المجهود الرائع دا , ويارب تكون دايما في تقدم وإزذهار.
AHMED ABD EK QAWY

غير معرف يقول...

لازالت مشكلة الرفع هل من حل ياصديقي ؟

_Code_ يقول...

اولا اشكرك جدا جدا يا اخ مروان على ردك وعلى المجهود اللى انت عملتة
لكن للاسف الاتصال بيفصل فى ثوانى زى الاول
والمشكلة لا زالت موجودة ولم تنجح طريقة تغيير dns الى الارقام بتاعتك

واريد ان اوضح لك شئ هام هى اننى ابحث عن طريقة لحل مشكلة انقطاع الاتصال بعد ثوانى على
wap.vodafone.com.eg
او
internet.vodafone.net
فقط وليس على نقطة الوصول mms.vodafone.com.eg فهى شغالة وتعمل بدون انقطاع او فصل بدون اى تغييرات فى اى شى وليس فيها اى مشكلة لانها لا تقدم خدمة الانترنت

قمت بتجربة طريقتك تماما فى نقاط الوصول فودافون واب وفودافون انترنت ولم يتغير اى شى

لا زالت سرعه الفصل بعد الكونكشن موجودة

على اى حال اشكرك جدا يا مروان على ردك واهتمامك

_Code_

_Code_ يقول...

يا اخ احمد محمود
اولا اتاكد من اعدادات البروكسى صح
ثانيا لو كل الاعدادات صح بنفس الطريقة المشروحة هنا
حاول تشوف الحجات دى
لو عندك فاير وول او انتى فيرس وقفة وجرب
او غير الخط بخط اتصالات تانى مفيهوش رصيد مثلا
او جرب فى جهاز تانى غير الجهاز اللى جربت علية البرامج
ممكن تكون مشكلة فى السيستم"الويندوز"
ممكن تكون مشكلة فى الفيروول او الانتى فيرس قافل اى كونكشن للبرنامج خارج الجهاز

ياريت اكون وضحتلك شوية حلول ممكن يساعدوك

والاخ اللى لسة البرنامج بيفصل عندة بصراحة الترا لازم يفصل من كثرة الضغط على البرنامج لانه مش بيستخدم فى مصر بس حتى عندى بيفصل لكن الطريقة اللى شرحتها بتقلل عملية الفصل جداوبتثبت الكونكشن شوية
وقوة الاشارة لها دور كبير فى عملية الفصل والثبات فى اى برنامج

-Code-

غير معرف يقول...

مش عارفه احمله

غير معرف يقول...

السلام عليكم انا وصلت لحد اخر مرحله بس الكونكشن فيلد مع اني شلت خط النت و حطيت خط اتصالات عادي

محمد يقول...

يا باشا انا حاولت كتير احط البروكسي اللي هو 10.71.130.29 و البورت 8080 في برنامج ألتراسيرف وفي النهاية بيكتب Failed to conect to server علي الرغم من ان الجهاز داخل نت اصلاً عن طريق مودم التليفون ولكن بيخصم من 5 ميجا اتصالات المجانية.
هل في مشكلة في البروكسي ده؟ طيب اعمل ايه عشان اغيره وهل اي بروكسي تاني يفي بالغرض؟ علي فكرة انا عرفت ان البروكسي والبورت ده بتوع ضبط خدمة النت بتاعه اتصالات اصلا!؟
حد يساعدنا بقي بالله عليكم.

غير معرف يقول...

والله ياباشا البرنامج شغال وكل حاجه بس بيفصل كتيييييييييييييييير اوي مفيش حل يادكتور ياريت الرد

merooo يقول...

بص يامحمد انت تروح علي الكنترول بانل وتظبط البروكسي 127.0.0.1 والبورت طبعا 9666 وكدة البرنامج هيشغل اي حاجة في الجهاز من غير اعدادات حتي الياهوو بس نصيحتي استخدم جاب جندو عشان الألترا سيرف بيهنج كتير اوي وبيفصل يعني لو شغلت ايميلمك هتلاقية فصل بعد 12 ثانية مثلا وترجع تفتحة تاني ف هو خنييييييييييييق جدا في الموضوع دة اخوك عمر

غير معرف يقول...

ياريت برنامج يوزع النت على الجهاز كلة كارت لان وهمى يشتغل مع البرنامج

غير معرف يقول...

النت شغال كويس لكن مبيحملش اى حاجة
شكرا و نرجو الرد mr bloooshi

غير معرف يقول...

enta keda prince ya prince

غير معرف يقول...

بيقطع تقطيع جامد أوي لما بيوصل للنت ادخل الاقيه قطع بس سرعته جميلة لكن yourfreedom سرعته تعبانة بس ثابت ما بيقطعش مافيش حل يخلي سرعته اكتر من كده

غير معرف يقول...

السلام عليكم انا البرناج الترا سوف كان شغال تمام فجاه بطل يشتغل و مسحنه و نزلت و احد جديد برضو في عيب انا مش عارفاه حاولت كثير مش نافع

محمود يقول...

شكرا لصاحب المدونه الجميله دي انتا فعلا وصلتنا لافكار جميله انا مكنتش مصدق في الاول بس كل شئ بالتجربه بيكشف الحقيقه بالنسبه في مشاكل قابلت الاعضاء عندك والحمد لله توصلت ليها بعد شروحاتك انتا واعضائك الافضل انك تشغل علي برنامج نوكيا زي ماتشرح في الموضوع هنا وبرنامج الالترا ياريت توضح ليه انتا منعت الانترنت اكسبلور من التشغيل مع انه لما بيشتغل بيحل مشاكل الدخول علي ايميلات الياهو والماسنجر
لان الماسنجر بياخد البروكسي بتاع الانترنت اكسبلورر واانا جربتها عملت استخدام الانترنت اكسبلورر وشغلت الياهو والماسنجر والنت مش بيفصل غير قليل جدا وشكرا ليك ولاعضائك ولو امكن تشرح فكره ثغره اتصلات علشان لو قفلوها يبقي احنا فاهمين مش حافظين نعرف نطور من نفسنا ونخترق كله ونجيب برامج جديده اجمد من الترا

abdel Wahed يقول...

جامد جدا من غير كلام
ربنا يباركلك ويوفقك
بس معلش ليا استفسار بسيط
انتم بتشغلوا خط عادي ( مش داتا ) على المودم إزاي
مع العلم
انا عندي مودم اتصالات
zte mf 180
وبعد فك شفرته مابيشغلش اي خط مش داتا
حتى خطوط اتصالات العادية مش بيشغلها
وليك جزيل الشكر

محمد يقول...

حاولت اعمل كونكت كتير بس في الآخر بتطلع رسالة فشل Failed في الاتصال, وبصراحة فاضل 10 ميجا ومش هعرف أنزل الجاب جوندو الا من السايبر بس خايف اجرب ويفشل الموضوع, عموماً هحاول انزل سايبر النهاردة احمل البرامج واجرب علي الجهاز في البيت وربنا يسهل.
وبخصوص الآخ ميرووو اللي رد عليا, تقصد ايه احط 127.0.0.1 والبورت 8080 في الكنترول بنل؟ انت تقصد كنترول بنل الويندوز؟ ولا كنترول بنل البرنامج؟ ارجوك ابقي بلغني وقولي انهو فيهم وازاي احطهم لو كان في كنترول بنل الويندوز.
في انتظار ردك يا باشا.

غير معرف يقول...

الاخ عبد الواحد انا فكيت شفرت المودم وشغال على اي خط بس انت اتبع المعلومات صح خطوة خطوة
بالنسبة لالترا سيرف نزل اخر اصدار له1001
حملوه لان الاحدث افضل من اللي قبله
ويارب يشتغل معاكو انا برضو بيقطع معايا بس سعات وسعات
الافضل انكم تعملو ويندوز جديد للجهاز وبعد كده سطبو كل البرامج اللي عايزينها واعملو الديب فريز
النت هايشتغل تمام زيي
مع تحياتي
سمسماه

غير معرف يقول...

fe ultra sfr 10.1

Ma3allah For Islamic Media يقول...

يا جماعة كله تمام والتصفح تمام وكل حاجة
لكن فى الداونلود
السرعة حلوة
لكن مبيكملش الملف
بيجى يحمل مثلا حبة منه ويروح واقف
ايه الحل؟

غير معرف يقول...

هاقولك انا تعمل ايه
سطب برنامج داونلود ماناجير واعمل وزبط اعدادات البروكسي
127.0.0.1
9666
واعمل في الضبط المتقدم استكمال حال انقطاع النت
وكده هايبق تمااااااااااام
بالتوفيق
سمسماه

Ma3allah For Islamic Media يقول...

طيب والياهوو كل شوية يقفل ومش ثابت

محمد يقول...

جربت البرنامج ونجحت ولكن بطئ جداً بطريقة تشل!
و الداونلود بيه مبيعديش 3 ك/ث وبيقطع!

Mr Euphoria يقول...

3 ك/ث..!!!!!!!!!!!!!!!:D
أكيد العيب من الشبكة عندك يأبو حميد سرعة البرنامج مش بتنزل عن 50 ك/ث فى أسوأ الأحوال..
إلا إذا كانت الشبكة بقى............

محمد يقول...

ياباشا وغلاوة مدونتك عندي انا الجهاز جنب البلكونة والشبكة اتصالات وداخل بـ USB Modem وكله تمام وانا واخد صورة لبرنامج المودم وبرنامج UltraSurf 10.01 وعمري ماشوفت نت بالبطئ الكبير ده بجد حاجة مش معقولة بحاول احمل Proxifier وحجمه 900 كيلو بيبتدي 3 كيلو ثم 2 وشوية يرفع 4 وبعدين يفصل خالص! ومش عارف ادخل لوحة تحكم بلوجر من كتر البطئ!
ويارب اقدر اعمل حاجة لأن حرام بجد 30 قرش للميجا ده انا عاوز تصفح وشات كل يوم 2-3 جيجا ولا حاجة!
تنصحني اشتغل ببنرامج ايه يكون افضل من ألتراسيرف؟
علماً بأن التغطية عندي HSDPA وعلامات الشبكة علي الآخر. ولما بدخل بخط الداتا السرعة بتبقي رهيبة.

محمد يقول...

عشان تتأكد من كلامي
صورة UltraSurf
http://yfrog.com/62ultrasurfp
صورة Etisalat USB Modem
http://yfrog.com/31etisalatusbmodemp

A7med يقول...

تسلم يا استاذ محمد والله
انت تقريبا بتتكلم عني
او انا اللي كاتب الكلمتين دول
برضه السرعة عندي آخرها 6kb
وبطئ جدا بس انا جربت كل البرامج اللي في المدونة ومفيش فايدة
بس النت على الخط الداتا بيجيب بتاع 60 وانت رافع ايدك لما يكون بيكح
ياريت تشوفولنا حل علشان نستنفع زي الناس الحلوة دي
والله انا جتلي حسرة لما لقيت الناس بتقول انا عندي 50 امال فين ال100 اللي بتقولو عليهم
والواحد مش لاقي ربعهم اصلا

smsm يقول...

السلام عليكم ورحمة الله وبركاتة مساء الخير على كل ال موجودين فى المدونة انا عندى مشكلة انا نزلت البرنامج واشتغل وبقا تمام وبعد مدة مبقاش يشتغل خالص يعنى بظبط كل الاعدادات ومبيفتحش نت نزلت ويندوز جديد وبردة مش عايز يشتغل ممكن حد يفيدنى دة من اية

tygar_m30@yahoo.com يقول...

السيد/بلوشى
اناشغلتyourfreedomوسرعةالتحميل16ك.ب/ث علىu.s.bاتصالات فيه بروكسيات او اعدادات لزيادة التحميل عايز اوصلها100ك/ب/ث
مع شكرى الخاص لمجهوداتك فى المدونة
tygar_m30@yahoo.com
ارجو الرد السريع لوسمحت

غير معرف يقول...

الف الف شكر يا استاز بلوشي علي اللي بتفدمه علينا بجد كلمى شكر قليله عليك-رفاعي

غير معرف يقول...

الف الف شكر يا استاز بلوشي علي اللي بتفدمه علينا بجد كلمى شكر قليله عليك-رفاعي

غير معرف يقول...

ميرسى كتير على المدونة الرائعة دى انا روحت فصلت خط الدي اس ال بتاعى وشغلت البرنامج دا وكله تمام الحمد لله

غير معرف يقول...

مشكور جدا على هذا المجهود الرائع

بس ممكن اطلب اعدادت البرنامج دا على ال proxifier h او all proxy lite

shamandis يقول...

شكرا اخ بلوشي ع برناج روعه..........تصفح صاروخ .دونلود ...... 66kb .........ولاخ كود الطريقة جابت نتيجه اشكرك جدا ولك جزيل الشكر .....بستخدم سيفن.......منتظر جديدكم .......انا بطلت اذاكر لما شوفت المدونه هههههههههههه ومنتظر جديدكم وكنت اتمني برنامج تحميل فوق 100 لاني بنزل الان فيفا 2011 ......لكم تحياتي
shammandis@yahoo.com

غير معرف يقول...

بجد رائع وفوق الوصف تسلم ايديك فعلا يا استاذ بلوشى
share what you know to benfit the other

feto يقول...

شركا يا جماعه على هذا التبادل فى الافكار الجميل وشكرا للمدونه وبرنامج الالترا ده رائع وانا جربت اصدراته ومن يومين نزل أحدث اصدار منه وهو 1002 و أحسنهم وأنا مريت بمعظم المشاكل الى موجوده فى الردود دى زى انقطاع الدونلود وفصلان البرنامج ولاكن هزا الاصدار مفهوش الكلام ده بس المشكله بس ازاى نفتح الياهو انا جربت طريقة الانترنت اكسبلورر بس مش بيفتح على العموم الاصدار ده تقدر تنزله عن طريق نافزة القفل الى بتظهر بعد تشغيل البرنامج ون غير مانخفيها من الاعدادات نضغط عليه بالفاره بالزر اليمين ونضغط على حو تو هوم هيفتح صفحه زى الجوجل هنلاقى سرفر الصدار الحديث فيه نحمله الكلام ده لو البرنامج مطلبشى تحميل الصدار الحديث منه تلقائيا أو طلب ولاكن انت لم توافق

feto يقول...

ياجماعه نافزة القفل دى مش قفل البرنامج لاكن شكل القفل الى بيظهر بكسر القاف من خلالها كلك عليها يعنى زى ما قلت جو تو هم go to home

دكتور محمد يقول...

سرعة النحميل على التراسرف 10.02 بتكون فعلا 66
بالنسبة للتصفح افضل متصفح هو فيرفوكس مع الالترا سرف
انا شغال بالطريقة دى من كام يوم وهى افضل طريقة مع خط اتصالات العادى مشكلتها بس الماسنجر
فى برنامج اسمه indian web proxy شغال عن طريق الجافا وعمل سيرفر خاص بيك بيكون سرعته عالية انا باحاول معاه دلوقتى ولو فى جديد هاعرفكوا وشكرا

غير معرف يقول...

التعليق كتير مش بيوصل

غير معرف يقول...

انت راجل محترم و ميه ميه

غير معرف يقول...

Thank you pop

غير معرف يقول...

البرنامج بجد روووووووعه الف شكر

غير معرف يقول...

thaaaaaaaaaaaaaaaaaaaaaaanks ya 3'aly

غير معرف يقول...

failed to connect to the server

غير معرف يقول...

ربنا يخليك لينا يا باش مهندس

أحمـــد الشـــريف يقول...

السيد بلوشي
السلام عليكم ورحمة الله وبركاته
انا عارف انى وقتك ضيق وانا بعتلك كتيييييييير وارجو منك الرد السريع.
انا الدون لود من 2 ك - 16.500 ولا يزيد عن كده
ومع العلم انى شبكة اتصلات فى بلدى (3جى) وواصله الاخر
يعنى مفروط يكون فى سرعه اكتر من كده انا بستخدم ويندوز 7 عاوز اعرف ايه السبب والبرنامج الخطير ده مفيش مره اشتغل عندى ونفسي اجربه زى الناس دى ارجوك ترد عليا
Ahmed_alsharef_2010@yahoo.com

غير معرف يقول...

ya gma3a elsor3a bt3tmd 3la elshbka msh ay 7aga tanya lazn tb2a HSDPA whtla2y elsor3a mbt2lsh 3n 60/kb/s
AmRooo

غير معرف يقول...

mr.ahmed alshaf

bos ya sede el program sor3eto sabta 3ala 60/kb

bs fe shart wa7ed bs 3lshan ykoon tamam

mtsh3'looosh be 5at DaTa

3yni t7ot fel modem or el mobile shre7a 3dya y3ni

014 or 011 we hysht3'al 3ala dmnty :)

thx alot 3ala el program ya gma3a we ensha2 all fe nga7 mostmer :D

غير معرف يقول...

بجد برنامج رائع تم التجربة تسلم أيديك بتوصل عندى ل 70

غير معرف يقول...

ياجماعه البرنامج شغال تمام بذات الاصدار الاخير منهزز بيفصل تقريبا مره او مرتين فالساعه والماسنجر بيفتح عادى معايا من غير اى اعدادات,,شيل اى اعدادت فالمسنجر.. بس المشكلة اللى بيقبانى فعلا انه مش بيفتح مواقع كتير وبيكتب The requested URL is not supported
ياريت لو فى حل للمشكله دى حد يقولى
وشكرا بجد لكل واحد ضاف كلمة تساعد واكيد اوللهم الراجل اللى ضاف البرنامج فالمدونه

غير معرف يقول...

للاسف البرنامج اتوقف ومش بيشتغل

هل من حل؟؟؟؟؟؟؟؟؟؟؟؟

غير معرف يقول...

tamam and mashkor kteer

غير معرف يقول...

السلام عليكم
-----------------

الحمد لله البرنامج اشتغل .. بس في مشكلتين:
1- انو بيتفل كتير لوحدة
2- اني لو شغلت برنامج Proxifier .. الالتراسيرف مش هيشتغل .. وطبعا انا محتاج الـ Proxifier عشان اوزع النت علي البرامج اللي مفيهاش بروكسي


شكرا
-------------------------------

غير معرف يقول...

1- shokran awe 3ala el prog el gameed dah
bas fe moshkela mesh el prog kol shewaya kol 5 min keda walla haga yaroo7 3amel reconnect lew7do fa tb3an 3abal may3mel connect tany byb2a el ent fasel mafesh 7al ll 7ewar dah ?

أحمــــد الشـــــريف يقول...

البرناااااااااااااااااااااااااااامج لا يعمل
ارجوكم ابعتولى حل سريع
Ahmed_alsharef_2010@yahoo.com

غير معرف يقول...

prenss bs el games msh 3ayza tefta7 3al facebook...plz i need help MR balossshy

محمود يقول...

اولا احب اشكركم ع المجهودات الرائعه دي
ثانيا يا جماعه كل البرامج بتاعه النت زي يور فريدوم والتر سيرف بتوقف وفيها مشاكل كتير وباقي البرامج مش شغال ممكن تشوفو حل ازاي ندخل نت باي برنامج تاني

غير معرف يقول...

البرنامج اصبح لا يعمل تماما

زموووورة يقول...

الواضح ان اتصالات قفلت البورت

معلوم يقول...

البرنامج فيص .....شكرا..... (:

غير معرف يقول...

السلام عليكم البرنامج كان شغاااااااااال بس وقف و مش بيشتغل ايه الحل

غير معرف يقول...

الف شكر يا مان مجهود خرافي

غير معرف يقول...

جزاك اله خيرا

غير معرف يقول...

انا جديد معاكم كنت بستخدم البرنامج ده وبعدين وقفوه يا ريت حد يحط لينك لبرنامج بديل او يبعتهولي على الايميل
bodoqm@yahoo.com

غير معرف يقول...

الكبير كبير بردوا

future يقول...

السلام عليكم ورحمة الله وبركاته
انا شفت مواضيع كتير في مدونتكم وكلها عجبتني جدا قلت اجرب واتصل علي النت عن طريق مودم اتصالات
وشلت خط الداتا وحطيت خط عادي ولاكن لا يتصل وبتظهر لي الرسالة دي :
http://www4.0zz0.com/2010/12/24/14/392899277.jpg

غير معرف يقول...

thx

غير معرف يقول...

شرح كويس لكن للاسف البرنامج مش بيشتغل وانا مش عارف اصدق مين؟
قبل كده تفضلت بالشرح وقولت ان الخط المستخدم لازم يكون خط نت اتصالات وميكونش استخدم قبل كده
ع العموم شكرا

غير معرف يقول...

شكرا على البرنامج الفظيع دة بس هو البروكسى دة اتغير
10.71.130.29 ولا اية انا شغال usb modem ولو اتغير يريت تبعت الجديد على الميل دة لو سمحت sakr.al3arb2011@yahoo.com والف شكر على البرنامج ياجميل

عادل خاطر يقول...

شاكر جداً أفضالك يا فندم .. بس كان ليا طلب صغير .. كنت عايز أعرف طريقة فعالة وسريعة لتشغيل الـ USB Modem على خط داتا وداونلود أعلى من كدة .. ياريت يكون عندك حل

غير معرف يقول...

عاوز اغير البروكسى بتاع الجهاز ياريت الى يعرف انا الفير فوكس عندى عربى ياريت يكلمنى على الميل دة fr3onegypt66@yahoo.com

غير معرف يقول...

ارجوكم انا البرنامج عمل مره واحده succesfly ويعد كدا كله failed مش عارف ايه المشكله اللي يعرف يقولي ارجوكم

هدى عبد العزيز يقول...

ده ينفع لموبينيل؟

غير معرف يقول...

انا البرنامج عندي مش شغال خالللللص مالص....كول لما اجي اشغلة بعد ما ظبط الاعدادات يؤلي faild to connect to server اية الحل...

hossam rabie يقول...

faild to cennect to server كل مرة يقولى كده مرة واحده بس اللى قبل أرجو الرد السريع

غير معرف يقول...

انا اما اكتب البروكسي و البورت في برنامج ultra surf مش بيشتغل لازم اعملو auto-detect proxy ممكن تحاول تشوفلي حل للمشكلة دي بليز