عفوا يجب عليك الاشتراك بصفحتنا على الفيسبوك أولا

26
الدورة الإحترافية فى الشبكات و طرق إختراقها (الدرس الأول)..

بسم الله الرحمن الرحيم
إنطلاقآ من مبدأ لا تعطنى سمكة بل علمنى كيف أصطادها هنبتدى النهاردة سلسلة دروسنا لشرح ماهية الشبكات و الطرق المختلفة لإختراقها..
و أتمنى منكم التفاعل أن شاء الله..
فهرس الدورة حتى الأن:

1-كيف تعمل شبكة الإنترنت
2-الفلترة filtering
3-الإتصال الامن SSh
4-proxy servers & vpn networks
5- شبكة التور tor
6-التعقب والتخفى




موضوعنا النهارده عن كيف تعمل شبكة الإنترنت والموضوع ده هيكون كمقدمة للمواضيع الجاية بإذن الله

بداية الإنترنت هو شبكة لا مركزية مكونة من شبكات الكمبيوتر فى جميع أنحاء العالم


وعشان نتصل بالشبكة دى فى الحالة الطبيعية لازم نشترك مع أى موزع أو ISP والموزع ده بدوره بياخد النت ده منNational Provider اللى برضه بياخد النت من multinational company


اللى بتشغل وبتعمل صيانة للسرفرات والوصلات اللى إسمها الـ Backbone


والباك بون ده هو أساس شبكة الإنترنت وفى على مستوى العالم كذا باك بون مرتبطين ببعضهم عن طريق الـ


Optical fibers أو الستالايت

ودى صورة للشبكة العالمية


 








وده شكل الـ  optical fiber









دلوقتى بقى هنقول شوية أساسيات لازم يكون الكل عارفها


ما هو عنوان IP :
IP هو إختصار لـ Internet Protocol , وكل جهاز أو سيرفر على شبكة الإنترنت يمتلك اي بي إما يكون ثابت أو ديناميكي أي متغير , ولا يمكن بأي حال من الأحوال أن يتشابه رقمان IP , وأجهزة الكمبيوتر تتعرف على بعضها عن طريق أرقام IP الخاصة بها كما يتعرف البشر على بعضهم عن طريق أسمائهم




- ما هو الـ Port


البورت هو المنفذ أو المعبر الذى يستطيع أى برنامج يتصل بالإنترنت المرور من خلاله لأن ياجماعة لكل برنامج أو تطبيق بورت خاص بيه من البورتات المفتوحة فى الجهاز وده بيمكن جهازك أنه يتصل بالاجهزة الأخرى عن طريق الآى بى ورقم البورت سواء لجهازك أو الجهاز المتصل بيه







مثلا بورت 80 مسؤل عن التحميل يعنى أى شىء داخل إلى جهازك تعمل له تحميل يدخل من خلال هذا المنفذ والبروتوكول اللى بيستخدم المنفذ ده هو الـ http وبروتوكول https بيستخدم بورت 443 والفرق بين البروتوكول ده واللى قبله
أن الـ https بروتوكول أمن يعنى بيستخدم فى نقل البيانات الحساسة والسرية حتى لا يتم إختراقها أو على الأقل يصعب إختراقها وهنتكلم عن موضوع الأمن ده فى وقت لاحق
وعندنا برضه منفذ 8080 وده خاص بمزود الخدمة.....وبورت 23 الخاص ببرنامج التلنت اللى بيستخدم كثيرآ فى الإختراق



ماذا تعني TCP/IP :
TCP/IP هو إختصار لـ Transmission Control Protocol و Internet Protocol
و يعتبر بروتوكول TCP/IP من أهم البروتوكولات الموجودة من أجل التخاطب في الشبكات
و يعتبر الأن لغة التخاطب الوحيدة في الإنترنت لأنه المسئول عن نقل البيانات بين الشبكات وربطها ببعضها من خلال عدد متنوع من البورتات ....على فكرة البروتوكول ده بيوفر منافذ إتصال (بورتات) يصل عددها إلى 65000  بورت والمحجوز من المنافذ دى حوالى 1024 بورت وأشهرهم ذى ما قولنا فوق بورت 80 و 23 و 443 و 21 ...وغيرهم




ندخل بقى فى الكلام الجد

أولا...إيه اللى بيحصل لما نيجى نكتب إسم موقع فى المتصفح؟ الإسم اللى بنكتبه فى المتصفح إسمه الـ domain name وده بتستخدمه للتسهيل بدل ما نكتب رقم الأى بى بتاع الموقع


أول مابنكتب إسم الموقع بييجى الكمبيوتر باعت رسالة لسرفر إسمه الـ domain name server وفايدته أنه بيحول إسم الموقع اللى أنت كتبته لآى بى ويرسله تانى لجهازك اللى من خلاله يقدر يتصل بالموقع بتاعك ودى صورة توضح الكلام ده










قبل مانختم موضوعنا النهارده هنوضح معنى

البروكسى عشان نكمل بعد كده على أساس سليم


ماهو البروكـسي...؟
البروكسي (proxy) هو عبارة عن تطبيق يتم تركيبه على أجهزة خادمة، عند ذلك يدعى بإسم خادم البروكسي (proxy server)، وتعتمد عليه الشبكات الداخلية ومزودو خدمات الإنترنت والشركات عند تزويدها للخدمة لأي من مشتركيها، بحيث يعمل كوسيط بين مستخدمي الشبكة والإنترنت، كذلك يعمل على عزل الشبكة عن الشبكة الخارجية العالمية (www) ويوفر لها السرعة والأمان firewall


كيف يعمل البروكسي...؟

على سبيل المثال عند طلبنا لتصفح موقع معين يعمل البروكسي من خلال الوظائف التالية

1-التخزين (Caching): يتضمن البروكسي ذاكرة تخزين أو قاعدة بيانات كبيرة السعة من شأنها تقليل الزمن اللازم لتحميل صفحة من الشبكة إلى كمبيوتر الزبون، فعند طلبنا لموقع معين سيرسل هذا الطلب لخادم البروكسي (proxy server) الذي يبحث في هذه الذاكرة فإذا وجد ماهو مطلوب فأنه يعيد إرسالها للزبون، وفي حالة الإخفاق فأنه يجوب الشبكة العالمية باحثاً عما طلب منه بحيث يتم تخزينه لديه في البداية ومن ثم إرساله للزبون..


2-الفلترة (filtering): كثير من الناس هذه الأيام يشكون من أن مواقع الويب المفضلة لديهم يتم حظرها سواء في العمل أو في المدرسة أو حتى في البلد كله، عرفت ما السبب؟  يتم كل هذا عن طريق عملية تنقيح يقوم بها البروكسي لبعض المواقع عن غيرها،  بحيث يسمح بالوصول لبعض المواقع ويمنع المواقع الأخرى، وهو مايعرف بالمواقع المحجوبة..


3-الأمان (firewall): يمكن أن يعمل البروكسي كجدار ناري، مثلاً على مستوى شبكة محلية خاصة بمؤسسة أو شركة فإن هذا البروكسي يساعد على حماية هذه الشبكة من أي هجوم أو أعتداء خارجي على شبكتها


4.التحويل (Redirection): و هو أن يقوم بتحويل بعض طلبات المواقع إلى جهات أخرى. كأن يقوم بتحويل طلبات المواقع غير اللائقة إلى موقع إسلامى مثلاُ..




يتبع >>>>>>>

26 تعليقات:

خالد يقول...

موضوع جميل ومفيد جدا ويشرفنى اكون اول من يرد
واسف بس عندى سؤال خارج الموضوع عندى جهاز بلاك بيرى 8520 ومش عارف اشغله اى ثغرة او نت شبكة اتصالات لانها الوحيد اللى جيده عندى ممكن المساعدة

غير معرف يقول...

استمر
كلنا بانتظار شرحك الجميل وشكرا على هذا الشرح

saladino يقول...

والله انا مش عارف اقولك ايه يامتسر يا سنيور وانا بدوري مصيتتلك المدونه في كليتنا الالسن واحب اشكرك بالغه اليطاليه يامعلم grazie mille del tuo aiuto

غير معرف يقول...

بارك الله فيك على المعلومات المفيدة

samoray3b يقول...

الف شكر يا كبير بس متنسانيش بقي

غير معرف يقول...

هو النت المجاني من اتصلات علي الموبايل او الكمبيوتر
قصدي ان اتصلات سايباه ولا هي مش قدرة تقفله
انا سمعب ان اتصلات سايباه لزيادة عدد مستخدميها
وانها تقدر تقفله زي فودافون
ارجو الرد
khaled.rm1991@yahoo.com
خالد

غير معرف يقول...

موضوع جميل ورائع
جزاك الله خيرا وربنا يوفقك

غير معرف يقول...

شكرا علي كل اللي بتقدمو بس انا عندي طلب
كنت عايز اي برنامج يسرع النت علي الاجهزه انا عندي خط من تي داتا ياريت تفيدني في هذا الموضوع علي الايميل ده
hassan_201563@yahoo.com

tariq3g يقول...

استاذ يا معلم

expenaticx يقول...

شكراا يا باشا والى الامام

غير معرف يقول...

يا سلااااااااام يا جدعان
الله اشجينا كمان وكمان

غير معرف يقول...

والله انت راجل فوق الوصف ..وماشاء الله سابق سنك بمراحل ربنا يبارك فيك والى الامام دائما

غير معرف يقول...

كلامك جميل ومنسق واللي يتابعه يعرف انك استاذ في الكمبيوتر والنت من محمود عبد الحكيم سمسطا بني سويف

Ahmed يقول...

ايوه كده يا كبيييييييييييييييييييييييييييييييييييييييييييييييير
انا كان نفسى انى اتعلم الحجات دى بس المشكله انى كنت بلاقى دروس معقده وصعبه ومش بفهم منه حاجه بس على ايدك اخيرا هتعلمها الف الف مليار شكر وربنا يزيدك علم

muhammed ahmed يقول...

kda kteeeer walahi :D
teslam

غير معرف يقول...

مستر بلوشى تسمحلى اقولك ان اتصالات اتخرب بيتها على ايدك..............بس بجد بجد انت مالكش وصف وبجد نفسى اتعرف بيك لان اسفدت منك كتير وماذلت ياريت يابرنس تكتب ميلك او تضيف الميل دا feel_my.love26@yahoo.com واكون شاكر جدا لو شغلتلى برنامج exodus عن طريق برنامج tor عشان من خلاله افتح nimbuzz مع العلم ان البرنامج دا فيه بروكسى زى الياهو كدا بس مش عارف طريقته تكون مشكور مع اهتمامك وتسلم ديما مع الاهتمام

mostafa يقول...

كبيييييييييييييييييييييييييير

rain يقول...

يامظبطنا يامظبطنا
انا معاك ومتابع وكلنا متابعين
علمنا يامعلم .. علمنا يامعلم

a يقول...

شكرا يا كبير

غير معرف يقول...

يا سلام يا مستر بلوشي بجد ده كان طلبي انا كان نفسي اتعلم الحاجات دي و بجد انا فهمت كل حاجه انت كاتبها في الموضوع انت اخلاقك عالية جدا أي شخص تاني كان حط المعلومات دي في كتاب و باعه مش اقل من ٥٠ جنية و بجد انا في الاجازه كان اول حاجه بعملها اول ما اصحي اني افتح المدونة .
بجد بجد شكرا و مستنين باقي المواضيع و بجد انت انسان مش بتفكر في الماديات مش زي الناس اياهم بتوع المنتديات قال ٢٠ جنية رصيد و يقولو الطريقه .
مستنين ع نار باقي الدورات :)

غير معرف يقول...

يعني قصدك ان السيرفرات اللي احنا شغالين عليها دي اللي هيا your freedom ,jap jundo,ultra surf دول كلك عبارة عن proxy server ??????? ولا دول شغالين بنظام ايه ؟ يا ريت توضحلنا علشان نفهم احنا شغالين ازاااي بالظبط يعني السيرفرات دي شغالة اساسا ببرامج ايه وهيا معتمده علي ايه في تزويد خدمة النت لينا ؟

غير معرف يقول...

معلومات جامدة والشرح بسيط وسهل وان شاء الله هنفهم بشكل احسن مع الدروس اللى جاية علشان تبقى الصورة كاملة وواضحة اكتر ,شكرا جزيلا ..

Rivaldo

mahmoud يقول...
أزال المؤلف هذا التعليق.
غير معرف يقول...

ربنا يوفقك وياريت تكمل السلسله

غير معرف يقول...

اول شى سلام على الناس العسل
ثانى شى انا معاك اول باول بس خلى بالك ان شاء الله تكمل السلسله على خير

الله يوفقك يارب by dr@love

غير معرف يقول...

مشكووووور جدا جدا

انا منتظر بقية المواضيع