7 ازاى تعمل بلوك للأرقام من موبايلك السامسونج مجانا "خاصيه حجب المكالمات" بلوشى

بسم الله الرحمن الرحيم

طبعا كتير مننا بيتعرض لمضايقات من أرقام غريبه أو ناس مبيحبش  يكلمهم
أو حد رخم بيتصل عشان مصلحه .... تعددت الأسباب والغرض واحد
وهو حجب المكالمات من أرقام معينه
وهو ما يسمى ب Black list أو القائمه السوداء
 هناك عده طرق لذلك 
الطريقه الأولى

ودى بفلوس ربنا يكفينا شرها :D

من خلال الشبكه
(فودافون - موبينيل - اتصالات)


الطريقه الثانيه ,الثالثه  بأه بلوشى من خلال الموبايل

هشرحلكو مثلا على موبايلى 
الطريقه التانيه
Samsung star wifi 5233w

1- هندخل على القائمه            "Menu"  

2- افتح الضبط                   "Setting"

3- اختار ضبط التطبيقات   "app.setting"

3- اختار المكالمات               "Calls"

4- اختار كل المكالمات         "All Calls"

5-رفض تلقائى        Automatic  Reject "

6- اضافه رقم           "Add Number"

واكتب الرقم اللى عايز تعمله بلوك  أو اختاره من الأسماء

 واضغط تفعيل"Active " عندك

ومبروك عليك البلوك  البلوشى يا باشا

ملحوظه هامه !!!!!!!

مش كل أنواع سامسونج فيها الخاصيه دى فى انواع وأنواع 

انت وحظك حسب نوع موبايلك.

 هتسألنى أعرف منين اذا كانت عندى ولا لأ ؟

هقولك امشى ورا الخطوات لو لقيتها كلها موجوده يبقى كويس تمام لو ملقيتهاش يبقى مش موجوده عندك

طبعا الناس اللى معندهاش الخاصيه هتزعل منى وأنا ميرضينيش زعلهم

دايما فى حل تانى وبردو بلوشى

الطريقه التالته

هنقول تانى

 بسم الله الرحمن الرحيم

المره دى بأه مش خاصيه ولا برنامج دى خدعه بسيطه أوى

الفكره انك تعمل تحويل مكالمات لما تكون مشغول على رقم تانى مقفول أو غير موجود بالخدمه

هتقولى ازاى ؟ 

1- هندخل على القائمه            "Menu"  

2- افتح الضبط                   "Setting"

3- اختار ضبط التطبيقات   "app.setting"

3- اختار المكالمات               "Calls"

5-ادخل على المكالمات الصوتيه "Voice Calls"

6- اختار تحويل المكالمات     "Call Divert"

7- اختار اذا كنت مشغولا    " If I Busy "

 هتلاقى خانه فاضيه مكتوب فوقها " تحويل الى " "Divert To"

اكتب فيها أى رقم يكون مقفول أو غير موجود بالخدمه

8- اضغط تفعيل                " Active"

وكل ما عليك فعله ان لما الكائن الرخم اللى مش عايز ترد عليه ده يتصل

تكنسل عليه هيحوله على رقم مقفول أو غير موجود بالخدمه وهيقوله الهاتف اللى طلبته مقفول أو غير موجود بالخدمه

وخليه بأه يخبط راسه فى الحيطه

المهم بس متكونش سالف فلوس من حد وبتتهرب منه ههههههه

عشان ميبقاش حرام عليا

وأى خدمه يا باشا

لو عندك اى استفسار بخصوص الموضوع ده أوى أى حاجه تانى لموبايل سامسونج سيبهولى هو ونوع موبايلك فى تعليق وان شاء الله أرد عليه

صحبتكم السلامه
Go to hell

 

بلوشـــ انضموا لصفحتنـــا من هنا ـــى

بقلم بلوشى

انا بلوشى إسم على مسمى, شعارى عيش على النت ببلاش وأحببت إنشاء هذه المدونة لاضع فيها كل ما يتعلقق باختراق الشبكات

هل اعجبك هذا الموضوع ؟	إشترك عبر خدمة RSS تابعني عبر الفيس بوك تابعني على تويتر اشترك عبر البريد الالكتروني