عفوا يجب عليك الاشتراك بصفحتنا على الفيسبوك أولا

111
فك تشفير يو اس بى مودم أيآ كان نوعه ليعمل على أى شبكة فى العالم و أكتر..

السلام عليكم
اليوم مع الموضوع اللي إنتظره الجميع ... و اللي وعدتكم بيه صحيح أنا أتأخرت حبتين بس فى الأخر نزلته
الموضوع عبارة عن تكملة للموضوع اللى سبق طرحه لفك تشفير Usb modem
كيفية فك تشفير أي مودم بسهوله و في ثواني ...
و غير ذلك من برامج كتيررررررررررر
البرامج الموضوعه كلها نسخ كامله .. لا تتطلب إتصالك بالنت .. لا يتم غلقها .. سهلة الإستخدام .. متجربه و آمنه ..
نبدأ بإذن الله
وصل المودم بالكمبيوتر أولا و سيب الجهاز يتعرف على المودم لحد ما يبقى جاهز و متعرف


الملف الأول



الملف ده بعد تحميله .. و فك الضغط هتلاقي ملف و فولدر
البرنامج اللي في الفولدر إسمه Huawei MODEM CODE GENERATOR
البرنامج ده رغم صغر حجمه .. هوا ده الأسطوره .. اللعبه كلها .. ده اللي بيحسب رمز فك التشفير لأي مودم ماركة هواوي

شغل البرنامج هتلاقي فيه خانه مكتوب فيها IMEI .. إكتب فيه رقم الـ IMEI الخاص بالمودم بتاعك .. و بعدها دوس على زرار CALC
هتلاقيه كتبلك رمز فك التشفير ... خده كوبي .. أو إكتبه

إفتح البرنامج التاني اللي كان في الملف اللي فكيته اللي إسمه HUAWEI MODEM Code Writer

هتلاقي في واجة البرنامج زرارين .. دوس على اللي فوق اللي إسمه PLEASE SELECT COM PORT
هتفتحلك صفحه .. دوس DETECT ثم ACCEPT
بعدها دوس على الزرار التاني UNLOCK MODEM
هيطلب مك رقم فك التشفير .. إكتبله الرقم اللي طلعته من البرنامج الأول و دوس OK
هتلاقيه كتب لك CODE SENT TO MODEM .. OK
و مبروك عليك فك التشفيررررررررر

************************************************** ********************

الملف التاني

الملف ده خاص بفك تشفير المودم بتاع موبينيل القديم اللي لونه أبيض موديل ZTE MF626
و معاه ملف وورد و PDF يشرح خطوات فك تشفير المودم بسهوله و يسر

************************************************** ********************

الملف التالت


الملف ده فيه كل برامج المودمز اللي عندي بالكامل .. و فيها برامج كتير غير كده .. و كل برنامج باين من إسمه
و فيه برامج فك تشفير الشرايح الخاصه بالموبيل برضه لو شريحه مقفوله و عايزه رقم PUK هتلاقي برامجها موجوده برضه

الملف ده فيه فولدر إسمه USEFULL SITES .. الفولدر ده فيه 10 مواقع من اللي كنت بستخدمها سابقا لجلب الشفرات .. و اللي الناس اللي مش معاها البرنامج اللي في ملف التحميل الأول بتستخدمه .. ده برضه سر من سرار المهنه .. بس ما يغلاش عليكم

************************************************** ********************

الملف الرابع

ده فيه برنامج لفك رقم التشفير لشريحة الموبيل PUK CODE
و برنامج لفك تشفير الآي فون .. لكني ما إستخدمتوش قبل كده لأني معنديش آي فون أساسا !!!
أنا لقيته على النت قولت أنزله مش هيضر




أتمنى إني أكون فيدتكم بالموضوع ده ...
و يا ريت لو حد يحمل البرامج دي و يستخدمها و لقى فيها أي ميزه أو حاجه انا ما قولتهاش يضيف تعليق و يفيدنا بيه برضه
 و أستنونى قريبآ مع..
"شغل كل برامج جهازك مجانآ ، خط Adsl كامل من إتصالات"
"أوبرا مينى المعدلة تصفح و تحميل مجانى من موبينيل"
"شغل يور فريدوم 24 ساعة فى اليوم  و بالسرعة الكاملة"
"أوبرا مينى على الكمبيوتر شاشة كاملة و تحميل مفتوح بالسرعة الكاملة من إتصالات"
و المفاجأة الكبرى..
"نت فوادفون ببلاش بالسرعة الكاملة بدون برامج موبيل و PC"




أشترك فى صفحة مدونة بلوشى | عيش الـ ع ـنت ببلاش على فيسبوك ليصلك الموضوعات الجديدة

www.facebook.com/BlOooShiblog







---------- بلوشى ----------

111 تعليقات:

expenaticx يقول...

الله ينور عليك يا باشا ومستنين مواضيعك الحلوه دى
والى الامام دائما

Medo elkhiat يقول...

شكرا يا باشا علي الموضوع الجامد دا ومنتظرين منك باقي المواضيع دى بفارغ الصبر ؛ واحيك مره تانى على الموضوع دا

shadow يقول...

هو ده الكلام
موضوع تحفة ياريس
بس ياريت التوبيك الجاى يكون هو المفاجأة بتاع فودافون لانى بعانى من شبكة اتصالات بسبب ضعفها عندى جداا وفودافون تعتبر هى الرئيسية فى المنطقة هنا
لو ممكن حضرتك تبعت لى الطريقة على الاميل اكون شاكر جدا
egyhero_10@yahoo.com
تحياتى

Unknown يقول...

مش عارف اقولك ايه بصراحة انت فعلا عبقري بجد مش مجاملة انا مبهور بالحاجات اللي انت بتعملها دي

غير معرف يقول...

استااااااااااذ ورئيس قسم
فى انتظار جديدك وبالتوفيق

Monatf5 يقول...

اوباااااااا
دة انت كدة هتدمر التانيين خاللللللص
و الله انت جامد و الواحد ممكن يعملك اعلنات فى المنتدى اياه حتى لو هيقفلوا العضوية

غير معرف يقول...

Gameeeed begad enta m3alem wlahe . Rbna ykremak ya rab. Msny net vodafo we mobinil bsor3a wenaby :D

غير معرف يقول...

الله اكبر عليك انا نفسي اعرف انت بتعمل كدة ليه انت اكيد مش انسان عادي انت عبقري

غير معرف يقول...

الله اكبر عليك انا نفسي اعرف انت بتعمل كدة ليه انت اكيد مش انسان عادي انت عبقري

Eslam Hamouda يقول...

الله يفتح عليك يا ريس ,

برنامج Huawei Unlocker Final شغال 10/10
واحلى حاجة انه مش عايز نت , زي الموقع اللي في التدوينة القديمة , تسلم ايدك بجد !!!

والله هو ده الشغل التمام , ماتحرمناش من شغلك العالي , ومنتظرين المواضيع الجديدة على احر من الجمر , ياريت ما تتأخرش علينا !!!

وبصراحة اشهدلك بالتميز والابداع !!!

Unknown يقول...

الف شكر يا كبير على مواضيعك الرائعة
المدونة بتاعتك اكثر من رائعة بكل المقاييس
ونشكرك جدا على المواضيع الجميلة دى وربنا مايحرمناش منك

بس طلب لو برنامج يشغل ال youtube لأن البولت جربته على n81 و مااشتغلش
كان فيه برنامج اسمه skyfire بيشغل الyoutube فلو فى نسخة jar handler يبقى ال youtube هيشتغل تمام
او برنامج اسمه youtube يشغله تمام

غير معرف يقول...

انا مستني البرامج التانيه ع نار و اكيد البرنامج ده جامد بس انا لسه ما جبتش يو اس بي مودم هخلص ثانوية عامه و اجيب واحد موبينيل اللي ب ٥٠ جنية و اشغله ع اتصالات و نبتدي الشغل بقى استنينا كتير ههههه
انت راجل ميه ميه ربنا يخليك لمصر و شركات الانترنت المستغله دي . شكرا يا مان و بانتظار المزيد .
احمد

السباعى يقول...

السلام عليكم ورحمة الله

بجد بجد استاااااااااااذ ربنا يرضيك ويباركلك

منتظرين منك الجديد باذن الله وربنا يجزيك عنا خير

بخصوص موضوع الاى فون ياراجل كنت فين من يومين قبل ما المصيبه تحصل..انا عندى اى فون 3g كنت جايبه من بريطانيا مفتوح شفرة جاهز وشغال على اى خط عادى .قررت اعمله تحديث وللاسف عملته لكن الجهاز قفل شفرة وفضلت صاحى يومين متواصلين اخر ما زهقت خبطه فى الارض الشاشه انكسرت لكن بعدها فتح الشفرة لكن نصيبى كدا ..الحمد لله ..

عامة كل دقيقه حضرتك بتتحفنا ببرامج اجمد من اللى قبلها واحب اقولك معلومة ..انا مهندس صيانة موبايل وفى الخدمه لاى استفسار من اى حد

ربنا يبارك فيك


السلام عليكم ورحمة الله

kero يقول...

شكراااااااااااااا
اللة ينور عليك يابرنس
دائما فى تقدم

embaby يقول...

بجد تسلم ايدك

شغل محترفون بجد

عبد الحميد يقول...

الله ينور يا رجاله

غير معرف يقول...

الله عليك ياباشا ومستنين مواضيعك التنيه إن شاء الله

غير معرف يقول...

شكرا علي المجهود الجميل ده .. مشكور علي المجهود الرائع ده شكرا ........................

shadow يقول...

اهم حاجة موضوع فودافون لوسمحت عشان محتاجه جداااا

غير معرف يقول...

شكرا

Unknown يقول...

مستنى البرامج التانية يا زعيم

marwan يقول...

allah 3alek ya basha wallahi testahel milioooon alf shokr

غير معرف يقول...

بجد تسلم الايادي
مليون شكر علي المجهود

muhammed ahmed يقول...

tamam ana mstani el pramg el tania 3ala naaaaaaaaaaaar walahi

غير معرف يقول...

استاذ بلوشي انا محتاج اضافة حضرتك ضروري جدا جدا الموضوع مهم اميلي
kareem_osama99@yahoo.com

غير معرف يقول...

رائع جدا والله ومدونة أقل مايقال عنها انها سوبر ومستنيين المواضيع الجديدة

Unknown يقول...

انا مودم اتصالات zte m100
افكة ازاى؟؟؟؟

غير معرف يقول...

المدونة دي اكيد بتكبر بينا احنا الاعضاء بجد اسف ازعاج حضرتك وجدت احد الاشخاص بيبيع البرامج دي بفلوس ياريت نعمل باسورد حماية للموفع وانا جاهز للخدمة انا علوم حاسب مودرن واي خدمة تحت امركوا وتحت امر الاستاذ بلوشي
تحياتي

غير معرف يقول...

سلاااااااااامو عليكم انا مصطفى :: بجد انا مكسوف اوى وغيران موت بس رغم كده هعترف بعبقريتك لأنه حقك والله ينور انا غايران لأنى بحاول اعمل حاجه للموقع دا اقدم موضوع يكسر الدنيا عن النت وكده وكل يوم بعمل تجارب وكل يوم بكتشف حجات جديده بس يا خساره ما تكملش بس انشاء الله هيحصل والموقع دا لازم يبقا احسن من كده .. هو كويس وكل حاجه بس بحاول ارد جميل

mostafa2562002 يقول...

بس الحاجه الوحيده اللى نفسى اعرفها قبل ما اموت ان ازاى اعمل اتصال على شبكة موبينيل فى اليواس بى مودم وانا مش معايا رصيد انا عايز اعمل بس ازاى اعمل اتصال بالشبكه من غير ما يكون معايا رصيد كونيكشن بس فى فودافون

غير معرف يقول...

بارك الله فيك بس انا عندي مشكله
ياريت تتكرم وترد عليا
المشكله ف الخطوه بتاعت الزرارينdetecd , accept
بعمل زي مقولت بيظهر رساله فيها كلام بالانجليش معناه لازم اختار البورت بتاع اليو اس بي بس انا جبت رمز فك التشفير بس وقفت لحد هنا؟ وجزاك الله كل خير

احمد اليمني يقول...

1000 شكر ياباشا
وبجد مجهود رائع
وياريت موضوع فودافون ده مايتأخرش لأن شبكة اتصالات عندي مش قد كده
وشكرا

غير معرف يقول...

الف شكر
انا فكات تشفير ال يو اس بى مودم بتاع اتصالات وركبت الشريحه بتاعت فودافون بس مرديش يعمل اتصال مع انى الشريحه دى بعمل بها اتصال باستخدام الموبيل الرجا الرد

matrix ...blosshawi 2adeem يقول...

شكرااااااا...لكل مجهوداتك .وعايزين بقا نرجع ايام ما المدونه كانت بتيجى اول نتيجه بحث فى جوجل عشان الترافيك ...منتظرين الموضوعات اللى قولت عليها بفاااارغ الصبر

غير معرف يقول...

ألحقنا بحصريااااتك يا كبير

abdelhalim2 يقول...

الحقنا بحصرياتك يا كبير

غير معرف يقول...

انت فين يا عم من يومين انا فاح المدونة 24 ساعة عندي ارجوك اعمل اليور فريدوم الاول انا محتاجة جدا

غير معرف يقول...

3la fekra enta ragel mo7tarem aweeeeee
w ana bafta7 kol sa3a ashof el mawadee3 el 7asry nzlet wla lesa
enta ragel dma3'o mo7tarama w mosh anane
ana shady w sharaf kbeer lya ene aktblak comment
thankssssssssssssss

مدونة فهماوي يقول...

كبير من يومك ياكبير انا استخدمت برنامج اسمه dc unlocker وتم فك التشفير بتاع فلاشة اتصالات zte ونزلت اشتريت خط داتا فودافون ودلوقتي نا مشغل ودافون علي اتصالات مودم هل ياتري بقي كدة مفروض اشحن فودافون برده ولا ايه وهل الخدمة هتفصل مع اني برده مازلت باتسخدم برنامج الاتصال بتاع اتصالات وبخش منه علي موبينيل هل كدة تمام ولا ممكن يفصل

غير معرف يقول...

net vodafone pleaaase.sara

غير معرف يقول...

plZ PLZ NET VODAFONE BSOR3a
sara

غير معرف يقول...

والله العظيم انت باششششششششا

غير معرف يقول...

الصراحة انا مش عارف اقول ايه ومهما قولت او عملت مش اقدر اعبر عن اللى فى نفسى

غير معرف يقول...

دة الشغل الصح

نحن فى انتظار برنامج يعمل كرت لان كامل للجهاز علشان الى على المدونة مش شغالين

غير معرف يقول...

ولله بجد ربنا يحفظك
انت عامل معانا واجب ملهوش حل
انا فكيت الشفره قعلا
واشتغل برنامج التور وكده
بس وقف ومش راضى يشتغل من اسبوعين
بس بجد بجد ربنا يحفظك ولله
عشان فى واحد كان عاوز يبيعلى الطريقه الى حضرتك بتقولها على الدخول من اتصالات مجانا
بس انت ربنا يحفظك
ويخليك للغلابه
هههههههههههههههههههه
والف الف الف مليار شكر

انا مش عارف اسجل ف المدونه ولله
مع انى ليا يوزر على جوجل
ف ياريت حد يقولى ازاى عشان اتشرف بدخولى ليها


احمد

غير معرف يقول...

بجد انا مش عارف افول ايه مدونة رجالة بجد مش men

غير معرف يقول...

يا باشا انا مش عارف اشكرك ازاي و متابع مدونتك من زمان بس مش عارف اتواصل م البراوزر بتاع k900 عشان مش بيفتح الموقع كامل و بيفتحه من جوجل بس و يا ريت الاقي عندك رقم بروكسي بيفتح علي صفحة اتصالات الرئيسية من غير برامج عشان موبايلي مش قابل برامج و انا لسة ضايفك قريب ع الفيس بوك و ياريت ترد هناك


و الف شكر ع المجهود الكبير ده

Jack_sparrow_tpj يقول...

شكرا علي تعبك من اجل اعضاء المدونة .........تحياتي

غير معرف يقول...

يعني ممكن اخلي سرعتي 4 او 8 او 16 او 24 ميغا ببلاش ولا اية
ممكن تشرحلي الموضوع
يبقي انت خدمتني خدمة قوية جدا وخدمة العمر كلة
وبكام الفلاشة دة

صوزاااااااااااااا يقول...

انت عبقرى .. حتى لو مش انت اللى مصمم البرامج ديه .. بس واحد زيك لو ف بلد تانيه كان زمانه عنده شركه كومبيوتر محترمه و عايش ملك ... شكرا يا وحش

emadabdu يقول...

بجد فعلا عبقري .. ومواضيع صعب تلاقيها مجانية في أي موقع .. وأنا جربتها وفعلا شغالة .. تسلم الأيادي ويا رب تتحفنا بالمزيد المبهر

غير معرف يقول...

طب بالنسبه ليو اس بي فودافون ايه افضل برنامج له
والموضوع فعلا رائع وتسلم ايديك

غير معرف يقول...

الف الف الف الف
شكر ليك يا باشا
أخي العزيز
أنا عندي مودم k3565 فودافون
وأتبعت الخطوات 100%
والحمدلله المسج بتاع CODE SENT TO MODEM .. OK
المشكله يا حبيبي لما أسوي أتصال يطلع عندي
ERROR RAS 619

مع العلم أنا موجود في سلطنة عمان
وبحاول أستخدم شبكة NAWRAS وا شبكة OMAN MOBLE

أرجوووك شوفلي حل لهذي المشكله
وهذا أميلي للتواصل ah5575@hotmail.com

غير معرف يقول...

يا استاذ بلوشى
ارجو الانتباه لى
انا عندى مودم mf626 hsdpa
والرابط بتاع البرنامج اللى يدخل الكود على المديل بتاعى مش بيكمل تحميل انا اقصد الملف الثانى

غير معرف يقول...

يعجز اللسان عن الشكر

noni يقول...

يا جماعه انا عندي مودم اتصالات zte mf100 ومش عارف افك الشفره
وجربت البرامج والموقع اللي بيجيب رمز القفل للمودم
وجبت الرمز بالفعل لاكن لما اكتبه في المكان المطلوب علشان يفك ما بيرداش يفك القفل لانه عايز رمز مكون من 16 رقم وليس 8 وانا احترت خالص ياريت اللي يعرف يقولي او يضيف ايميلي ويقولي
انا في انتظار الرد

hessien_fathy@yahoo.com

غير معرف يقول...

يا برنس الليالي
انا شغال بيواس بي مودم اتصالات ZTE MF100
اول خطوة تمام والكود اوكي
انما الخطوة بتاعت ديتكت واكسبت نو
لان دي يو اس بي مش كوم يا ماو
ياريت الحل ؟؟؟؟؟؟

الزعيم هارد

غير معرف يقول...

انا عندى مودم فودافون جبيت الكود وفكيت الشفرة بتعتها وحطيت خط اتصالات البرنامج بتاع فودافون مش عاوز يعمل كونيكشن وكاتب insert correct sim

Abdel Wahed يقول...

تسلم على المجهود بس ياريت لو فيه طريقة
للمودم اللي بقى موجود دلوقتي مع تقريبا كل اللي معاهم مودم اتصالات
zte mf 180
, zte mf 100
هو بيتفك شفرته تمام بس تيجي بقى تحط الخط ( اللي مش داتا ) يقولك ابقى قابلني !!
ويدي ايرور
حتى خط اتصالات العادي ( مش داتا برضه ) مش بيرضى يفتحه
بيجيب شبكة بس مش بيرضى يعمل كونيكت
ياريت تردوا علينا وليكم الشكر والتقدير

maged يقول...

يا آخي عبد الواحد
انا معي يو آس بي اتصالات ZMF180.وآريد الموضوع الذي به فك الشفره .لكي اشغل جميع الشبكات
وهل تنصحني ان افك الشفره آم لا خوفآ من المشكله التي انت بها
وجزاك الله كل الخير؟؟؟؟

اسلام محيي يقول...

عملت كل الخطوات
والمفروض انى فكيت تشفير k3765 من فودافون
المشكلة الاولي ان المودم مش بيتشاف غير من برنامج فودافون الموبايل بارتنر مش بيلاقيه
تانى مشكلة المفروض انى خلاص فكيت تشفيريه لكن لما بحط شريحة مختلفة عن فودافون بيقولي ضح شريحة صحيحة
يا ريت المساعدة يا رجالة

غير معرف يقول...

شغل شديد علشان البعدى يبطلو تحكم فينا تسلم يا خطير بس لوفيه اسرار عندك تاني قولي ومش هقول لحد

غير معرف يقول...

انا من ليبيا واخذت مودم شركة الاتصالات المصرية zte mf 180 ونبي فك التشففير لانه يطلب مني 16 رقم ياريت اذا في برنامج تقولي

غير معرف يقول...

هو ميرسي علي مجهوداتك الرائعه بس انا مش عارف افك اليو اس بي مودم بعمل زي انت مكاتب بالظبت detect and accept مش بيبان اي حاجه :( يا ريت حد يساعدني

غير معرف يقول...

بيكتبلي Reconnect or change usb port ةالخقيقه مش عارف اعمل ايه حد يساعدني اخوكم عااادل (:

باسم يقول...

السلام عليكم
أنا عندى نفس مشكلة الأخ اسلام المودم موديل 3565 شغال تمام بس 3765 بيقبل فك التشفير بس مش بيتشاف من برنامج mobile partner و الدرايفر بيضرب و لازم نشيل برنامج فودافون و موبايل بارتنر علشان يشتغل تانى على برنامج فودافون ... هل فى طريقة يا استاذ بلوشى علشان نخلى موبايل بارتنر يشوف المودم ده ؟ يا ريت يا جماعة اى حد يلاقى حل للمشكلة ده يقول

alhobalawal يقول...

معلش ياكبيييييييييييييييييييييير اوى
ليا عندك سؤال
انا عندى يو اس بى اتصالات هواوى ومش عارف رقم imeiبتاعها اعمل ايه اصل رميت الكارتونة بتاعتها
لو فى طريقة اعرف بيها الرقم ده ياريت تقولهالى....وشكر اووووووووووووى ياكبيييييييييير اوووووووووووووووووى

alhobalawal يقول...

دايما كبيييييييييييييييير

غير معرف يقول...

عندى hwavei model e1550
مش عاااااااااااااااارف ال imei ده موجود فين انا مش فاهههههههم ايه ده ؟؟؟؟؟؟؟؟
امين

غير معرف يقول...

انا عندى مودم موبينيل
Found Phone, Phone Info:
- Manufacturer :huawei
- Model :E153
وكل ما اعمل Unlock
يظهر لى :
Send Unlock Command... ERROR

غير معرف يقول...

الف الف الف شكر

غير معرف يقول...

لو سمحت اريد طريقة لفك تشفير مودم موبينيلzte mf 180

صاصا يقول...

لو سمحتم معاية فلاشة اتصالات شغالة على 014 ومش شغالة على 011 واحد فاكك شفرتها ومش شغالة على 011 يا ترى ايه السبب
وهل ممكن تشتغل الفلاشة لفترات معينة يعنى شهر او اكتر هل فيه حاجة بتتحكم فى ده
ارجو الرد
ده ايميلى للتواصل وشكرا ليكم ولمجهودكم الرائع
lover.mido55@yahoo.com

غير معرف يقول...

انا عندى مودم موبينيل
Found Phone, Phone Info:
- Manufacturer :huawei
- Model :E153
وكل ما اعمل Unlock
يظهر لى :
Send Unlock Command... ERROR

غير معرف يقول...

Found Phone, Phone Info:
- Manufacturer :huawei
- Model :E153
وكل ما اعمل Unlock
يظهر لى :
Send Unlock Command... ERROR

Mr AsaadLine يقول...

ممكن شرح فك مودم موبينيل Model :E153

غير معرف يقول...

شكرا على البرنامج بس انا عندي نفس المشكله في ال E153
وكل ما اعمل Unlock
يظهر لى :
Send Unlock Command... ERROR
في اي اقتراح ؟؟؟

شكرا ...

غير معرف يقول...

ياباشا الخطوة التانية لم تصل رسالة مودوم اوك ولكن ايرور!فما الحل انا عندى موديوم اتصالات e153
لو تكرمت تتواصل معايا وتقولى ايه الحل
ahmedsayed1399@yahoo.com

غير معرف يقول...

جزاك الله كل خير وجعل كل هذا فى ميزان حسناتك

غير معرف يقول...

e153 نرجول حل مشكلتـــــــــــــــــــــــــــها

kokomado يقول...

انا عملت نفس الخطواط بتاعت حضرتك بالظبط بس مش نفع معاية بعد لما بحط الانلوك كود بيطلع رسالة خطأ مش عارف لية الانلوك كود الى طلع لى هوة : 45262279
ودى الرسالة الى طلعت لى فى البرنامج : HUAWEI MODEM Code Writer
Found Phone, Phone Info:
- Manufacturer :huawei
- Model :E153
- Revision :11.609.16.00.272
- Phone IMEI :352375041273012


Send Unlock Command... ERROR

يا ريت معلشى لو فية حل اكون شاكر جداً لحضرتك

غير معرف يقول...

هو مافيش حد بيرد على الراجل دة لية انا كمان نفس المشكلة e153 بلييييييز رد يا شباااااااااااب

غير معرف يقول...

نفس المشكلة e153 اتصالات

غير معرف يقول...

عملت انا الطيقة بتاعت البرنامج الاول و بيدينى eroor

غير معرف يقول...

مساعده اريد طريقة لفك شفره مودم موبينيلzte mf 180s

غير معرف يقول...

هذا البرنامج ينفع يفك شفره المودمe153 اتصالات

غير معرف يقول...

مشكوووووووووووووووووووووووووووور اخى الفاضل على البرامج الرائعة

غير معرف يقول...

ممكن سؤال ارجو حد يفيدني
انا فكيت التشفير ونزلت ابديت كمان وقبل شريحه جديده لكن مش عارف اخليه يتصل بالنت بيقولي ايرور ياريت لو ف اعدادات اضافيه حد يفهمني او يضيفني
dralamin_m@yahoo.Com
مع العلم ان اليو اس بي اتصالات e1550 وركبت خط فودافون بعد فك التشفير

ساره يقول...

انا تعبانه بجد مش عارفه اعمل ايه انا اليو اس بى بتاعى mf180 zteومش عارفه اعمل ايه حد يقولى

غير معرف يقول...

كل لما اكتب الكود يقولى Send Unlock Command... ERROR ايه العمل

غير معرف يقول...

الله اكبر مستر بلوشي انا عايزك تدرستي وترسل لي الجديد من برامجك عل ايميلي واعطني اسماء حساباتك في الفيس وتويتر وهذا ايميلي رد علي في الايميل وبموقعك اللذيذ دة.
الللللللللللللللللللللللللللله اكبر@@@@@@@@@@@@@@@@@@@@@@@@@@@@@@@

غير معرف يقول...

نفس الكلام اللى بيحصل مع E153 بيحصل مع E173

ahomoudh يقول...

فيه برنامج كمان انا كنت بستعمله وجامد برضه اسمه DC-Unlocker clientابقي شوفه كده
هتلاقيه علي الرابط اللي تحت
http://www.fileserve.com/file/VS2ZB3a/dc-unlocker_client-1.00.0597.exe
او
[url=http://www.fileserve.com/file/VS2ZB3a/dc-unlocker_client-1.00.0597.exe][b]File name: dc-unlocker_client-1.00.0597.exe File size: 2.89 MB[/b][/url]

غير معرف يقول...

عندى نفس المشكلة يا ريت حل

- Manufacturer :huawei
- Model :E153
- Revision :11.609.16.00.272
- Phone IMEI :352375041273012


Send Unlock Command... ERROR

يا ريت معلشى لو فية حل اكون شاكر جداً لحضرتك

غير معرف يقول...

معلش عندى فلاشة اتصالات الجديده وانا مسافرة برى مصر قريب لو ينفع اشترى فلاشة e153اتصالات من حد وانا عندى فلاشه اتصالات جديده وممكن اشتريها من غير تبديل لو فيه حد موجود دا ايميلى grah_marmora24@yahoo.com

غير معرف يقول...

بص انا من غير ما هجرب البرامج دي شكرا ليك علي المجهود الرائع دة وي هجربهم وي اقولك اية اللي حصل

غير معرف يقول...

ياجماعة عندي نفس المشكلة معايا الكود ولما بضغط detect مفيش port اصلا علشان اختارها ولما بضغط unlock بيقولي reconnect or change usb port ايه الحل ؟؟؟؟؟

غير معرف يقول...

أولا شكرا على محاولاتك
ثانيا اتبعت خطواتك ونزلت البرنامج وشغلتهم بنامج الـ Huawei unlocker اعطانى الكود ولكن بنامج huawei modem code writer
كل ما أضغط على select com port يطلع لى بار فاضى فقط ايه المشكلة وواضح من التعليقات السابقة ان دى مش حالة خاصة عندى فقط
المودم بتاعى هو لشركة اتصالات وموديله MF180S
نرجو الإفادة اذا كان هناك طريقة اخرى او خطأ فى العملية

a7md يقول...

انا كمان بيقولى Send Unlock Command... ERROR

هانى يقول...

ياريت حل لمشكلة الـ select com port بيطلع بار فاضى ومش بيقبل

غير معرف يقول...

عندى مودم فودافون k3770 ونفس الحوار بيقول send error يعنى من الاخر حوار فاشل الحل الاكيد اية لو سمحتم وبغير الشريحة فى الاول يقول ادخل الشريحة الصحيحة يعنى كلامك دة بجد ولا اشتغالة اثبت صح الكلام

امير العوضى يقول...

كله بيشكرك وانت مش عايز تحل مشكله موديل e153 ليه كده ساعدنا بعد اذنك وده رقمى رنيلى وهكلمك 01021211321

غير معرف يقول...

يا أستاذ بلوشي انا معايا فلاشه اتصالات e153 وكنت عايز افك شفرتها ولاكن بعد كل التعليقات دي انا خايف بجد لتوبظ ارجوك لو عندك حل سريع قوله الجميع يشكرك علي مجهودك العظيم والواجب عليك ان ترد هذا الجميل بان تضع الحل في اقرب وقت وجزاكم الله خيرا

غير معرف يقول...

الموقع قديم ومش نافع شوفوالتارسخ اللى تحت خالص2010

غير معرف يقول...

أرجوك عندى فلاشة نت كنت باستخدمها فى السعودية كونكت stc محتاج اشغلها في مصر علي شريحة اتصالات ارجو افادتى واكون شاكر لسيادتك

غير معرف يقول...

ياجماعة المودم الجديد بتاع اتصالات وبتاع موبينيل كمان اللى موديله MF180S دا محتاج يتفك ويتعمل فيه شغل لحامات من جواه عشان يتفك شفرته هو رخم شوية بس بيتفك لكن اغلب الموديمات بتتفك عادى

غير معرف يقول...

طيب

love2012 يقول...

خلاص الطريقة دي فكست لفلاشة اتصالات e153 موش شغالة عليها جربت كتير لفكها ولاد الوسخة مشفرينها جامد

غير معرف يقول...

uykj

غير معرف يقول...

معرفش انتم فرحانين بإيه
ولا واحد من الكاتبين التعليقات نجحت مع التجربةوصاحب المدونة مبيردش، ثم إنكم تفكروا إني شركات المحمول عبيطة أكيد بسد الثغرات اللي ممكن تخلي أي حد يفك شفرة أو يدخل مجاني

غير معرف يقول...

حضرتك انا جيت احمل الفايلات لقيتها اتمسحت من الميديا فاير مممكن حضرتك تبعتهالى على الاميل ده

eng.mohamed.asem@hotmail.com

وشكراااااااااا لحضرتك