عفوا يجب عليك الاشتراك بصفحتنا على الفيسبوك أولا

5
دلوقت مش هتحتاج غير شاشة الكمبيوتر و كاميرا الموبيل لتنقل ملفاتك من الكمبيوتر للموبيل..

 مستعد لسماع أخر ما وصلت إليه التكنولوجيا ؟؟؟؟؟


  دلوقتى تقدر تبعت
ملفاتك من الكمبيوتر الى الموبايل

بدون bluetooth

بدون infrared

بدون Internet

وحتى بدون اي وصلات بالمرة

فقط تحتاج الى كاميرا الموبايل وشاشة الكمبيوتر




تكنولوجيا جديدة تقوم بتحويل الداتا على كمبيوترك الى اشعة تنتقل من شاشة الكمبيوتر الى كاميرا موبايلك ليعيد برنامج اخر صغير متسطب على الموبايل تجميعها مرة اخرى على هيئة ملف

قم بزيارة الموقع التالي وتعرف على هذه التكنولوجيا الجديدة

http://www.screenftp.com

وبما ان هذه التكنولوجيا تعتبر مازالت في بدايتها يعيبها جدا البطء الشديد في ارسال البيانات

شرح الاستخدام :

بعد زيارة الموقع قم بتحميل ملف البرنامج ScreenFTP_n6600_v10 على موبايلك من هذا الرابط

http://www.plunder.com/ScreenFtp-bal...820e00b505.htm

بعد تسطيب البرنامج على موبايلك
ارجع مرة اخرى الى الموقع واختر من الاعلى send text
أو حتى اختر send a file ( بس ارسال ملف هياخد وقت كبير اولا في رفع الملف ثانيا في الارسال )

ملاحظة : هنا يلزم انك تكون مسطب على كمبيوترك بيئة الجافا قبل كده اذا كنت مش مسطبها تقدر تنزلها من هذا اللينك


http://www.filehippo.com/download_jre_32

اكتب اي رسالة او ارفع اي ملف عايز تبعته بعد كده كمل هتلاقي ظهر لك انذار انه فيه ابلكيشن جافا في الصفحة اللي انت بتحاول تفتحها دي اضغط موافقة run بعد كده هيظهر لك مربع كده فيه الوان غريبة

امسك الموبايل في ايدك افتح الكاميرا بعدين افتح البرنامج اللي انت سطبته على موبايلك وحاول تضبط الكاميرا قدام شاشة الكمبيوتر بحيث يبقى المربع الملون ده ظاهر عندك في الموبايل وحرك الموبايل قربه او بعده من الشاشة لحد اما تلاقي المؤشر الاحمر اللي في البرنامج على ايدك الشمال خالص ارتفع معاك ساعتها ثبت ايدك بقى على الوضع ده وروح من الصفحة اللي مفتوحة قدامك على الشاشة واضغط على زرار play
هتلاقي الالوان بدات تتغير قدامك والموبايل بدا يستقبل الملف واول مايخلص هتلاقي الملف في الرسايل

لضمان نجاح العملية حاول تثبت ايدك ومتغيرش لاسرعة النقل ولا حتى الاضاءة

دي فقط تجربة للتعرف على هذه التقنية الجديدة انما مش فعالة اوي في نقل الملفات فعلا عشان بتاخد وقت كبير وبتحتاج ظروف صعبة شوية انك تفضل ثابت على بعد معين من الشاشة وايدك متتحركش كتير وان الغرفة اللي انت فيها يستحب انها تكون مظلمة شوية بحيث تكون شاشة الكمبيوتر ساطعة اوي..

5 تعليقات:

غير معرف يقول...

تحية من الجماهيرية العظمى لك أخي الكريم
بس حبيت نقول لك ان التقنية قديمة جدا

Mr Euphoria يقول...

أهلآ و سهلآ بيك أخى و بكل أهل الجماهيرية..
من ناحية قديمة فهى مش قديمة أوى ؛ من 5 سنين بس..:D
بس مش ناس كتير تعرف عنها ؛ فقولت اللى ميعرفش يعرف ولا رأيك إيه..؟!

Admin يقول...

شكرا يا باشا و هى محتاجة تطوير,بس انا هرد نفس الرد اللى رديتوه هناك,ان طالما فى بلوتوث و سرعتة جيجا فى الثانية ايه لزمة الطريقة دى؟?؟?؟,بس اهى حاجة جديدة نتعلمها

EslaM يقول...

اه هي قديمة اوي فعلا ومش عمليه , لان بتحتاج انك تكون متصل بالانترنت سواء عشان تبعت ملف او رسالة وده عيب مش ميزة , بس اكيد التقنية دي هتطور وتبقى افضل ان شاء الله , وشكرا على المعلومات !

غير معرف يقول...

بس لللأسف صيغة البرنامج sis مش jar طب أنا لو جبت برنامج تحويل من sis الي jar البرنامج هيشتغل عادي ؟ بس هي لو تطور من ناحية السرعه تبقى مفيده عشان لو ماعيش الكابل أو الجهاز مافيهوش بلوتوث هتبقى مفيده جدا
و ع فكره أنا أول مره أعرف التقنيه دي