عفوا يجب عليك الاشتراك بصفحتنا على الفيسبوك أولا

126
وصل نت للكمبيوتر ببلاش من اتصالات ( كلاكيت 7 مرة)..

بسم الله الرحمن الرحيم

أهلآ بكل زوار المدونة الكرام و رمضان كريم عليكم جميعآ

أولآ أحب أعتذر عن غيابى الكام يوم اللى فاتوا بس أكيد أنتوا عارفين ظروف الصيام فى درجة الحرارة دى كان الله فى عوننا جميعآ

و أن شاء الله الفترة الجاية أعوض أسبوع الغياب دا بدءآ من النهارده
طبعا سبق طرح أكتر من موضوع لتوصيل النت من خلال شبكة اتصالات -ربنا يخليهلنا- قولوا آمين..:D 
و النهارده بنكمل بموضوع جديد و برنامج جديد و حصرى..
ناس هتقولى و لزمتها ايه كل البرامج دى ما كان برنامج و احد كفاية..
هقولكم و ببساطة، أن برمى الكورة فى ملعبكوا و أنتوا تختاروا اللى يريحكوا و الأفضل ليكوا
بضع كل الخيارات بين ايديكوا و أنتوا أختاروا اللى يناسبكوا..
أظن كفاية كدا كلام و نبدأ شرح برنامج النهارده..

**************************
ملحوظة : تم تصغير الصور أضغط على الصورة لمشاهدتها بالحجم الطبيعى..

أولآ هتحمل البرنامج من هنا..

بعد ما نحمل البرنامج هنلاقيه بالمنظر دا..


ده طبعا مضغوط ببرنامج السفن Zip
أول ما تفتح الأيقونة اللى فاتت هتجيلك الرسالة دى



يفضل أنك تفك الضغط على سطح المكتب ( أنا عامل كدا) أو أختار المكان اللى يريحك و بعدين دوس Extract

و دا هيبقى شكل الفولدر بعد ما تفك ضغطه ع سطح المكتب..

أفتح الفولدر و بعدين..


بعد ما البرنامج يفتح دوس settings


و أعمل زى الصورة اللى جاية بالظبط..

حط أعدادت نقطة وصول اتصالات العادية..
Port : 8080
Proxy : 10.71.130.29




و بعدين دوس Start هتلاقيه بدء يشتغل معاك زى كده الصورة..
و يا ريت تصبر عليه شوية فى المرحلة دى..


كده البرنامج أتصل و كله تمام..


و أول ما الأتصال يتم هتلاقى البرنامج فتح صفحة جوجل من الفير فوكس المدمج مع البرنامج..
الناس اللى متبعانا هتقولك طب ازاى البرنامج فتح جوجل من غير ما نغير أعدادت فيرفوكس عشان يتصل من خلال البرنامج ..
هقولك دا مش فيرفوكس اللى عندك دا فيرفوكس مدمج مع البرنامج يعنى متظبط ع البرنامج..


كده البرنامج تمام نيجى بقى لأعدادت البرامج عشان تتصل من خلال البرنامج بتاعنا..

أعدادات Internet download manager

أفتح من واجهة البرنامج
downloads

options

زى  الصورة كده..


و أعمل زى الصورة بالظبط..
حط الاعدادت دى
use http proxy
Port : 8118
Proxy : 127.0.0.1


و أدى  التحميل شغال زى الفل..


طبعا زى ما قولنا البرنامج مدمج معاه نسخة فيرفوكس متظبطة جاهزة..
طب لو حد عايز يستخدم النسخة اللى عنده الأساسية أو يستخدم متصفح تانى يعمل ايه..!
هقولك بسيطة خد الاعدادت دى
Port : 8118
Proxy : 127.0.0.1
و حطها فى اعدادت اتصال المتصفح بتاعك و طبعا أنتوا عارفين بتحطوها فين..
و طبعا لازم تكون عامل اتصال على الشبكة بخط عادى مش داتا و مفيهوش رصيد..
بالنسبة للناس الجديدة اللة مستغربة الحوارات ، يا ريت تروح تجيب المدونة من ورا (صفحة 6 و 7) و هيا جاية عشان تفهم..
بكده يكون شرح برنامج التهارده خلص و يا ريت يا جماعة تقدروا تعبى و لو بكلمة و بلاش حد ياخد و يمشى و خلاص..
متواجد دايما للرد على استفساراتكم..

126 تعليقات:

غير معرف يقول...

شكرا ليك كتير بجد تستاهل اكتر من كلمة شكر شكرا لتعبك ومجهودك الكبيييييييير .........
سؤال هو ممكن افتح برنامج all2chat بيه؟
شكرا مرة تانية لمجهودك....

غير معرف يقول...

إنت كده مشكوور آاااااخر حاجة
...بس في بروبلم معايا أنا أنا مشغل GTunnel ‎‏ بإستخدام التور على tor mode ‎‏ بس زي ما إنت عارف standard mode‏ دا أسرع بكتير لكن أوقات كتير بيعمل not responding ‎‏ يا ترى هل دا ليه حل?

mr.5adrawy يقول...

الله عليك يابرنس ياكايدهم كلهم والله وماليك عليا حلفان انت تمااام ومليكش زى

غير معرف يقول...

و الله انت تستاهل ألف كلمة شكر بس البرنامج ده هو اللي بيعمل كارت لان للجهاز بأي برنامج تاني صح ؟
و ربنا يخليلنا اتصالات ده أنا أخدت حقي منهم

MIdo يقول...

تسلم ايدك سيتم تجريه البرنامج ان شاء الله

لكن لى محلوظة صغيرة اذا لو تم ربط المواضيع ببعضها عن طريق لينكات سيكون افضل لك بالنسبة مدة بقاء الزائر بالمدونة

بالتوفيق اخى

غير معرف يقول...

بجد انا مش عارف اشكرك ازاي علي مجهودك الرائع في المدونة دة ربنا يكرمك ان شاء الله بس لو سمحت انا عندي استفسار بالنسبه للاوبرا مش بيرضي يحمل معايا خالص برجاء الرد .ورمضان كريم

غير معرف يقول...

الف شكر يا مان

غير معرف يقول...

باشا باشا نس المسنجر اه نظامه

Admin يقول...

جامد يا باشا ,وشكرا لمجهودك,بس انا نفسى فى ثرة لتشغيل اليوتيوب من على الموبايل,مش تحميل,و يا ريت على البولت او المتصفح العادى,و هل فى فرونت كويرى غير موقع اتصالات دة و شاكر على موضوعاتك

احمد اليمني يقول...

100000000000000000000000000شكر
وبجد مجهود وعطاء غير محدود
واول مره فعلا اقابل حد علي النت زيك كده
ومعلش بقي هاتقل عليك
بس ليا 3 طلبات
-1الياهو مش شغال عندي خالص ولا بإعدادات ولا بكارت لان
وحتي صفحة البروكسي في الياهو مش زي اللي انت حاطتها
-2برنامج freevpn‏ بيشتغل مره وبعدين يقولي انه فيه فيروس او كراك ومش هايشتغل تاني
-3في حاجه للموبايل اسمها ارقام بروكسي وتحديدا شركة اتصالات
بتحط الأرقام دي في نقطة الوصول وتدخل تصفح وداونلود مجانا من متصفح العده
وده أفضل لأن الأوبرا مش شغال علي موبايلات كتير
ده غير انها تنفع للكمبيوتر بسرعه جامده
وآسف للأطاله
صديقك:أحمد اليمني

غير معرف يقول...

شكرا على مجهودك منظرين المزيد من ابدعاتك

غير معرف يقول...

اخي احمد اليمني ما هي ارقام البروكسي اللي بتقول عليها ولك جزيل الشكر

احمد اليمنى يقول...

اولا شكرا لسرعة الرد
اما أرقام البروكسى فهى عبارخ عن ارقام بنحطها فو نقطة الوصول بتاعة اتصالات وبيبقى ليها بورت معين
ومكانها بالظبط
تروى للضبط
تختار نقاط الوصول
اتصالات واب
اعدادات متقدمه
هتلاقى حاجه اسمها بروكسى سيرفر
والبورت
ودول بنغيرهم ونحط غيرهم اللى بيشتغلو ببلش
وكانو معايا من فتره بس اتوقفو وعرفت ان نزل غيرهم

احمد اليمنى يقول...

انا مش بقول ان الارقام دى معايا
ابا قصدى اسألك لو تعرف تجيبها

Mr Euphoria يقول...

نورتوا يا جماعة..
بالنسبة للناس اللى عندها برامج مش شغالة فـ عندى خبر حلو ليهم ، أنا كنت وعدت ببرنامج يعمل كارت لان كامل للجهاز (خط Adsl يعنى) بإستخدام أى برنامج من برامج المدونة و اللى منهم البرنامج المطروح فى الموضوع دا ، خلاص تقريبآ الشرح جاهز و البرنامج هينزل بكرة بالكتير..
أخ أحمد اليمنى ، على فكرة مش أنا اللى سألت (يعنى ايه أرقام البروكسى)..
و بالنسبة لموضوع البروكسيات دا فـ كان قائم على الأتصال الأمن اللى كانت بتستخدمه اتصالات عن طريق بورت 443 ودا للأسف أتقفل تمامآ ، يعنى مفيش حاليآ غير الطرق اللى موجودة فى المدونة..
و بالنسبة للياهو ، فـ أكيد النسخة اللى عندك قديمة
نزل النسخة الجديدة و جرب 2..
و الأخ ميدو ، شرفنى مرورك و أهتمامك بالمدونة، و شكرآ لمساعدتك ليا فى المشكلة الأخيرة و شكرآ للنصيحة..
و الأخ Admin أن شاء نسخة بولت المعدلة قريبآ، بس يا ريت تتراجع عن موضوع المدونة اللى بتفكر تعملها دى عشان كده يبقى غلط - فاهمنى أنتا-
و الأخ اللى مش شغال معاه أوبرا تحميل ، فـ دا أكيد موبيله 6630 فيما تحت و سوفت قديم ، يا ريت تنزل سوفت جديد للجهاز..
كان فى ناس سئلتنى كتير " هل ممكن الثغرات دى تتقفل"
طبعآ يا جماعة ممكن بس صعب أوى و بعدين متقلقوش فى ثغرات تانية بس مس هتتطلع إلا فى حالة أن دى تتقفل -خطة بديلة يعنى-
و ملحوظة أخيرة يا جماعة، بلاش الناس تعلق بـ ( غير معرف) عشان بس أعرف أرد، سجل بأى إسم..
و يا ريت الناس تسجل فى قائمة " حبايبنا اللى متابعينا" عشان لو فكرت فى يوم م الأيام أقفل المدونة ميدخلهاش الا ناس محددة هيكون هما الناس اللى هيدخلوا..

moataz_you2000@yahoo.com يقول...

السلام عليكم ورحمة الله وبركاته
جزاك الله خيرا اخى

moataz يقول...

البرنامج
بيفضل يعمل estabilishing an encrypted directory connection

Ahmed يقول...

شكرا جدا علي ردك مستر بس انامعايا ن 70 ومش شغال تحميل معايا بالنسبه للاوبرا

a يقول...

الف شكر على المجهود .................شغااااااااااال 100%
البروكسى ده جامد جدا فى التصفح و youtube ............بس الdownload مش بيشتغل حلو
بس مافيش بروكسى اسرع شوية فى ال download.............

غير معرف يقول...

معلش أنا عايز أسجل أسجل فين و ازاي ؟
أنا عندي سؤال أنا أي برنامج مش بيجيب معايا في الدونلود أكتر من 50 كيلو بايت بس التصفح أسرع بكتييييييييييييييييير تقريبا 400 كيلو ده عسب عندي و لا كل الناس و انا بستخدم التليفون ع فكره مش usb modem
شكرا من أخوك أحمد

غير معرف يقول...

انا مش من العادة انى ارد على حد خالص بس احب اقولكك انت بجد فنان ولى طلب عندك الا يوجد مثل هذه البرامج للنكس ارجوك
وشكرا ليك مرة تانية مجهودك فوق الوصف

احمد اليمنى يقول...

اخى العزيز
انا نزلت احدث نسخه من الياهو ولقيت صفحة البروكسى زى اللى عندك بس برده مش بيفتح وحتى موقع الياهو العادى مش بيفتح وكمان الهوت ميل والنيم بظ ومعظم برامج الشات مع العلم انى بستخدم برنامج JapJonDo
معلش استحملنا بقى بس ياريت حل للمشكله دى او كارت لان
وشلرا لمجهودك الرائع

EslaM يقول...

تسلم ايدك ياغالي على البرنامج الرائع والطريقة الروعة دي , بجد انت افدت الكثيرين وانا منهم , الف شكر وربنا يخليك لمصر ولاتصالات !!! هههههه , بس انت عارف انا بقالي 4 شهور بدخل ببلاش من غير اي حاجة !!!!

ميسي يقول...

يا رب اكرمك يا مستر

غير معرف يقول...

يشكراا يا كبير اند ازاى يا اسلام من غير بركسى والحاجات دى

noname يقول...

بسم الله
هجرب باذن الله

Meme يقول...

ميرسي اوي ع الحجات الجامده دي انا تايهه من كتر الحجات الحلوه دي بجد انا جربت برنامج ده بس جه عند خطوه الانتظار{الصوره القبل الاخيره} دي واعدت استني كتير محصلش اتصال بليز ساعدني
ومعلش حاجه كمان بالنسبه لخط الداتا كان في برنامج هنا بس مش عارفه انزله فا ياريت رابط تنزيل ومشكور ع احلي مدونه انت بجد رائع

غير معرف يقول...

شكرا على الطرق الجميلة دى فعلا بعضها بيشتغل
بس فى مشكلة ان بعض البرامج مفيهش اوبشن بتاع
البروكسى انا حاولت استخدام برامج لحا الموضوع ده بس كلها فشلت فياريت تساعدنا وشكرااا لك

محمد يقول...

فعلالالالالالا

محمد يقول...

فعلا يا مان يا ريت تشوف حل

احمد القيسي يقول...

والله انته عبقري من ساعت ما زرت مدونتك وانا استفدت منك كتييير وعايز اشكرك فعلا .. يا ريت تلغي السكربت بتاع الكوبي لاننا بنحتاج ننسخ البروكسيات ومبنعرفش وبنضطر اننا ننقلها وساعات بنغلط وبعدين اللي عايز ينسخ مش هايغلب يعني .. وعايز طريقه ادخل على موبينيل ابو20 جنيه في الشهر بكامل سرعتي لانه بيقف عند 110 ميجا وبيرجعني لسرعة 64 كب .. وفي انتظار جديدك وانا من المتابعين

MUFIX يقول...

اخى الكريم شكرا على المجهود الرائع

ولكن البرنامج لم يعمل معى ويقف عند الخطوة الثانية ولا

يعمل بعده

يمكنك مشاهدة ذلك من الصورة على الرابط التالى

http://www.7ammil.com/index.php/files/guest/28e9700d4b04d65f08b63c42b043fd90?do=download

expenaticx يقول...

شكرا اخى الكريم على مجهودك
البرنامج اشتغل تمام معى فى البدايه ولكنه توقف بعد فتره واعطى رساله requesting relay information failed : no router to host
ودى صوره للمشكله
http://img843.imageshack.us/img843/4109/ddddddddda.jpg
هل يوجد حل لهذه المشكله او برنامج بديل مع العلم انى جربت عديد من البرامج مثل your freedom و JapJonDo ولم تعمل معى
شكرا مقدما والى الامام دائماا
expenaticx

بيتر يوسف يقول...

شكراا اخى الكريم لكن هل من طريقه تتيح لنا استخدام الياهوو لانه لا يعمل مع العلم انى استخدم النسخه الحديثه
وشكراا مقدماا

غير معرف يقول...

هو مفيش برنامج بيشغل الياهو علشان جربت كل الي قولت عليه ومش شغال

قرصان الليل يقول...

يا جماعه كل الطرق شغاله وعشره على عشره بس فيها عيوب كتيير اوى زى السرعه المحدوده والشاتات ال مش بتشتغل واى برنامج بدون بروكسيات سواء ماسنجر او غيره العيب مش فينا يا شباب العيب فى النظام مع العلم ان انا عندى البرامج قبل ما تعملوا المدون اصلا حتى ال freedom مش بيثبت عندى على الويندوز دا غير ال هنا بس للايف مفيش حاجه كامله رمضان كريم وكل سنهوانتوا طيبين مفيشش احسن من الصحه اخوكم محمد من المنصوره

قرصان الليل يقول...

حتى الكيبورد زعلانه الله يكون فى عونا ههههههه

ism_skylight يقول...

يا جماعه الياهو شغال ان شاء الله على برنامجjondo
هتفتحوا الياهو تختاروا من messengerهتختاروا
connection prfercenes وبعد كده اتصال بواسطه بروكسى وندخل الاعدادت دى 127.0.0.1:80
ومتنسوش ان تختاروا http proxy
وان شاء الله يشتغل

حبيب عمو يقول...

اخيرا فهمت يا وديع

غير معرف يقول...

شكرا يا غالى على البرامج الحلوة دى وربنا يديك كمان وكمان
بس البرنامج ده يشتغل فترة وبعدين النت يقف

expenaticx يقول...

الاخ ism _skylight
ممكن شرح اكتر لتشغيل ال yahoo وياريت لو تعمل لنا صور او تكلمنى على الياهو
expenaticx@yahoo.com
وشكراا

غير معرف يقول...

أنا نزلت الtor وسرعته فى الدونلود لم تزيد عن 10kb أرجوك شوفلى حل أخوك أحمد

غير معرف يقول...

يا جماعه الياهو شغال تمام على التور مين مش شغال عندو?? و بالنسبه للسرعه شغاله 120 كب/ث عاليو إس بي مودم و 50 كب/ث على مودم الموبايل..فين المشكله?

ali يقول...

انت راجل تمام

ali يقول...

بس يارت تشوفلنا برنامج يزود سرعة التحميل لانها 40 بس

expenaticx يقول...

ازاى نشغل الياهو ياريت حد يشرحلنا

ism_skylight يقول...

بص يا استاذ الموضوع مش معقد اوى انتا هتفتح الياهو وقبل ما تعمل sign in تروح لقيمه messenger وتختار منها connection preference تمام لحد كده
وتختار اتصال بواسطه بروكسى connect via proxy
وتكتب فى server name
127.0.0.1
وتكتب فى port
4001ده لو انتا بتستخدم برنامج الجاب
ومتنساش تخلى الاختيار على اتصال http
وبعد كده اوك
انا اسف مش هعرف اشرحلك بالصور لانى معرفش ارفعلك
صور هنا على المدونه
نا عندى سؤال بقى انا مسجل على المدونه وعلى جوجل ومش عارف اعمل الكومنت باسمى الى هنا
islam

expenaticx يقول...

شكراا islam على المتابعه و الياهو اشتغل تمام الحمد لله

غير معرف يقول...

ياجماهة هو سرعة تغطية الEDGE فى إتصالات فى التحميل لا تزيد عن 10kb فى الثانيةأرجوكم شوفولى حل أنا عندى مبتزدش فى الدونلود عن 10kb خالصارجوك يا مستر بلوشى رد عليا أو نزلى برنامج يخلى الدونلود يزيد شوية مع العلم أننى جربت ال tor/jondo/ultrsurf/freevbn
أحمد محمد فاروق

غير معرف يقول...

أنا زيك برضه يا أحمد فاروق جربت نفس البرامج بس أنا جاب معايا 60 كب/ ثانية
ياريت يا مستر بلوشي تشوفلنا حل في سرعه الداونلود لو سمحت
أحمد

ism_skylight يقول...

بالنسبه للاخ الى بيقول ان سرعه الدون لود معاه 10 كب وجرب كل البرامج بص يا استاذى حول تغير نقطه الوصول الى برنامج mobile partner ده لو انتا بتستخدمه للاتصال بيه من المودم جرب لسيرفر ده كده انا شغال عليه والسرعه معايا من 60 الى 120 mobile.etisalat.com.eg
يارب يقدر يفيدك
islam

jack_sparrow_tpj يقول...

ياجماعة البرامج كلها تمام في التحميل بس العيب في سرعة الفلاشة وكمان ال EDGE بطيئة خالص فلازم تبقا كدة
انا سرعة التحميل عندي مرة جابت 295/300 ومعدل ثابت 150 مع العلم ان نوع الاتصال HSDPA

غير معرف يقول...

ياريت ياجماعه اللي بيقول فكرة يوضحها شوية لاني مش فاهم حاجة خالص

غير معرف يقول...

ايه EDGE ؟ و ايه سرعه الفلاشه؟ و ايه HSDPA و mobile partner ده برنامج ينزل ع الكومبيوتر و لا ع التلفون ؟ و ازاي اخلي السرعه 300 كيلو ؟
ياريت حضراتكم تفهموني و شكرا
أحمد

ali يقول...

ممكن حد يقولنا نزود السرعة ازاى
انا سرعة التحميل 35/45 وكتير جدا بيجيب 8كيلو
وكتير بيقف

ممكن حل ؟؟؟؟
ان السرعة تزيد وياريت الى يتكلم يقول بيستخدم برنامج اية

jack_sparrow_tpj يقول...

اخويا علي برنامج يور فريدوم وجاب بيجيبو سرعة بطيئة لكن تور و U998 بيجيبو سرعة الاتصال اللي بتستخدمه كاملة يعني مثلا سرعة الاتصال بتاعك وليكن مثلا بفلاشة اتصالات3.6 ميجا لو استخدمت يور فريدوم هاتجيبلك 10 كيلو بايت ولو جاب بردو نفس الكلام لكن لو استخدمت تور او U998 هايجيبلك السرعة كاملة وطبعا السرعة بتزيد علي حسب نوع اتصال النت اللي بتستخدمه لو سريع يبقا التحميل هيبقا حلو.....اتمني افيدك

أحمد يقول...

هو سرعة تغطية EDGE كام kb\sc عايز رد ضرورى

expenaticx يقول...

مساء الخير يا جماعه

البرنامج ده عن تجربه جميل سرعته على اتصالات بتوصل الى 100 kb وال yahoo اشتغل عليه تمام
كان ليا بس سؤال windows live messenger بيشتغل عليه ولا لاه
لانى جربت كتير وما وصلتش لحل
وكل عام وانتم بخير

jack_sparrow_tpj يقول...

EDGE عندي السرعة بتكون بالكتير 17/20 كيلو بايت

nothing.remains يقول...

انا مش عارف اقولك ايه ياخي كنت عاوز اقولك يخرب بيت عقلك يا جدع بش بلاش عشان احنا صايمين :)

ياراجل دانا مش قادر اطلع من المدونة بتعاتك دي ياراجل

انا شغال الحقيقة ببرنامج jap jondo والحقيقة شغال صاروخ وكان نفسي تشتغل معايا حكاية التور لاني محتاجه جدا في التشفير عشان امن الدولة وكده

لكن هو حتى لو اشتغل كان هايبقى بطيء لانه بيقدم خدمة مقابل فلوس لو انت عاوز تشتغل سريع ام لو مستخدم عادي هاتكون السرعة ميتة جدا

كان فيه بس ملحوظة كنت عاوز انبه عليها واحنا برده تلاميذك يا باشا والحكاية دي مهمة جدا للناس اللي بتشتكي من الرسالة دي no route to host اللي قابلها الاخ expenaticx وكمان مشكلة الاخت اللي وقف عندها الشريط الاخضر ومش راضي يكمل للاخر ده بسبب ان ساعات سيرفر البرنامج بيكون مقفول في البلد او حتى بيفقد الاتصال كتير بسبب ان الحكومات بتحاول تمنع البرنامج لانه بيقوم بتشفير البيانات الصادرة من الجهاز والبيانات القادمة من الموقع وكمان القادمة من البروكسي يعني كمان الحكومة مش هاتعرف الموقع اللي جاي منه البيانات المشفرة يعتي الدنيا كلها هاتبقى سكلكلطة بالنسبة للجماعة بتوع الامن الالكتروني اللي في القاهرة عشان كده البرنامج بيتخدمه الهاكرز والنصابين وكمان الجماعة الجهاديين اللي بيخشو على مواقع جهادية عشان كده الجماعة بتوع برنامج التور اتغلبوا على الحكاية دي عن طريق انك تتواصل مع سيرفر البرنامج من خلال اجهزة ناس تانية من بلاد تانية يعني انت كانك بتستعمل التور وكانك من امريكا كمان والناس دي عبارة عن ناس مستخدمين لبرنامج التور وعاملين نفسهم مضيفيين للناس اللي عاوزة تدخل البرنامج من خلال اجهزتهم

ةعشان تستعمل الحكاية دي وتجيب ارقام الناس اللي عاملة نفسها جسر او مضيف دي محتاجة في حالتنا دي اننا ندخل على العنوان التالي
خلو بالكو من حرف s الزيادة في كلمة http
https://bridges.torproject.org
لما هاتدخل على الرابط هايديك ثلاثة عناوين تحت بعض زي كده
98.169.100.140:443
83.101.44.10:443

المهم انت هاتاخد الارقام دي كوبي وتروح عند الصورة اللي هاتحط فيها البورت 10.71.130.29
بصو كده تحت هاتلاقو سطر مكتوب كده
MY ISP BLOCKS connection to the tor network
قدام السطر ده موجود مربع علمو عليه علامة صح هايظهرلكو مربع ابيض تحت وجمبع علامة +

انت بقى هاتاخد كل سطر من العناوين اللي في الموقع
https://bridges.torproject.org
زي كده 98.169.100.140:443
وبعدين تدوسو على علامة زائد تلاقو الارقام انضافت للمربع الكبير اللي تحت
كرر العملية دي مع كل عنوان وبعدين بعد ما تضيف الثلاثة عناوين اضغط اوك وبعدين اعمل اتصال تاني وان شاء الله هايشتغل

وعذرا يا جماعة على الشرح الطويل بس حبيت انكو تفهمو الدنيا ماشية ازاي :)

اما بالنسبة لبرنامج تسريع الداونلوود فيه حاجة بسيطة بس في اعدادت idm البورت 8118 ده مش بيخلي الداونلوود بيشتغل لكن لو غيرناه وخليناه 4001 هايشتغل تمام
انا عندي الداونلوود واصل 90 و 100

ملحوظة :
السرعة يا جماعة بتزيد لو كان في الحتة اللي انتا فيها 3g ولازم موبايلك طبعا يدعم 3g لو شفت كلمة ثري جي عند علامة الشبكة عندك يبقى السرعة هاتبقى تمام جدا ودي موجودة في n70 , n73 والداونلوود هايوصل ل 50 و 60 لكن السرعات العالية من تسعين وطالع دي بسبب بروتوكول HSDPA وده طبعا في العدد الحديثة انا معايا E75 وانا عندي البروتوكول ده عشان كده السرعة عالية جدا عندي ماشاء الله

اما الجماعة بتوع الباندا والدمعة والعدد التعبانة دي مع العذر لاصحابها متسألش عن السرعة عشان دي اخرها هاتبقى 10 كيلو لان البروتوكول بتاعها gsm ومش هايزيد ابدا عن السرعة دي :(

الواحد لو كمل حاسبات ومعلومات كان عمل شغل حلو لكن يالا نصيب :(
وفي الاخير
وجزاك الله خيرا وبراك الله فيك وان شاء الله تتجوز واحدة بنت حلال لحسن انت شكلك مخطبتش :)

وخد بوسة كده على الماشي مع اني نفسي احضنك يا راجل

ali يقول...

nothing.remains

رقم البورت لما دخلتة الداونلود مانجر ماشتغلش وبيقولى
لايمكن الاتصال بالملقم الوكيل!!!!!!!!!!!!!!!


ياريت تظبطنا فى الحوار دة انا شغال بيو اس بى

Dr.TiTo يقول...

الف شكر ليك علي مجهودك
بس انا عندي طلب ممكن برنامج ياخد اعدادات localhost
و بورت البرنامج وكل برامج النت تتصل من خلاله انا عندي برنامج كده بس فيه عيب واحد

muhammed يقول...

100 /100 tamaaaaaaaaaaam ya maaaaaaaaaaaw

nothing.remains يقول...

استاذ علي سوري على التاخير لكن غصب عني

بالنسبة لاعدادات البورت في الداونلوود مانجر انا غلطت لاني مش بستخدم التور لانه بطيء عشان كده خليك في البورت 8118

انت لو مش هاكر او مش بتدخل على المواقع الجهادية يبقى بلاش التور لانه بطيء وانصحك تشتغل بالطريقة التانية اللي موجودة في المدونة هنا في الرابط اللي هاكتبه لان دي الطريقة اللي انا شغال بيها وممتازة جدا
http://bloooshi.blogspot.com/2010/08/japjondo.html

اما لو انك هاكر او بتدخل مواقع جهادية ده بقى موال تاني لان فيه ثغرات خطيرة لازم تتزبط والسرعة البطيءة ليها حل برده لكن انت رد عليا الاول وقلي انت مستخدم عادي ولا عاوز تستعمل اتصال مشفر عشان الامن وكده

nothing.remains يقول...

Dr.TiTo خد البرامج دي جربها وقولي عشان انا مليش خلق انزل واجرب

JAP, GhostSurf, Rutschomat, A4proxy, Multiproxy, ProxyRama
يكون في علمك ان لو برنامجيين اللي هنا جاب وجوست سيرف دول زي التور مينفعش تحط فيهم بروكسيات لان ليهم بروكسياتهم الخاصة لكن الباقيين ينفع تغير فيهم جرب بقى وقولنا

hamadamicano يقول...

نفسى السرعة تزيد عن 50 مع انى معايا يواس بى مودم ببروتوكول HSDPA ياريت حل للمشكلة دى

expenaticx يقول...

ممكن يا جماعه طريقه تشغيل windows live messenger
وكل عام وانتم بخير

ali يقول...

انا جربت جميع البرامج وكلها بتقطع فى العحميل
اعمل اية؟؟؟؟؟؟؟؟؟

ali يقول...

الى nothing.remains
انا استخدامى للنت عادى خالص ونزلت البرنامج الى انت قولتيلى علية
بس المشكلة عندى ان النت كل شوية يفصل وجربت كل البرامج الى هنا
ومش عارف طبعا احمل حاجة خالص

nothing.remains يقول...

استاذ علي لو انت شغال بالبرنامج اللي انا عطيتهولك اللي هو jondo يبقى اولا
لاحظ انك لازم تستخدم خط اتصالات عادي مفيهوش رصيد يعني خط ينفع يتحط في موبايل لو كنت بتستعمل خط اتصالات داتا اللي جاي مع اليو اس بي ياريت تحوشه وتحط واحد خط اتصالات عادي وفي المدونة هنا مواضيع عن فك شفرات اليو اس بي مودم لو عاوز تحط فيه خط فودافون او لو قابلتك مشاكل في خط الاتصالات لان خط الداتا مش هايشتغل على البرنامج ده زي ما كاتب اخونا صاحب المدونة

تاني حاجة

تخلي اعدادات الداونلوود مانجر زي اللي في الصور فوق لكن تغير البورت الى 4001

كمان هاتلاقي تحت الاعدادات دي سطر مكتوب قدامه

use https proxy
ده هاتلاقي جمبه مربع دوس عليه علامة صح وبعدين حط نفس الاعدادات في اول مربع حط 127.0.01
والمربع التاني حط 4001

كده انت ظبطت الداونلوود مانجر اما حتة التقطيع دي انا هاقولك على حاجتين اعملهم وشوف

اول حاجة في شاشة البرنامج هاتلاقي كلمة مكتوب عليها config
ومن الشمال على الجمب هاتلاقي كلمة anonymity
دوس عليها

هاتلاقي من فوق تلت اختيارات اختار منها advanced settings

هاتلاقي من تحت شريط ومكتوب تحته ارقام وجمبه مكتوب\

send keep alive packet every

انت بقى امسك العلامة هاتكون معمولة هي على عشرين ثانية رجعها خليها على اوطى حاجة على ست ثواني

الحكاية دي فايدتها انه بيرسل بيانات كل ست ثواني عشان يخلي الاتصال شغال وميفصلش

جرب دي ولو فضل التقطيع معاك اعمل الخطوة دي

دوس على قايمة start
وبعدين دوس run
في مربع run اكتب
ping -t 141.76.45.33

خده كوبي باست عشان متغلطش وانت بتكتبه

وجرب وياريت ترد عليا

nothing.remains يقول...

اخونا expenatix اولا انت قابلتك مشكلة ان البرنامج بيقف وبيجيب رسالة وانا رديت عليك هل عملت اللي قولته وشاتغل ابرنامج ولا انت جربت برنامج تاني ؟؟

اما عن سؤالك عن تشغيل الوندوز ماسنجر فبسيطة

اولا افتح المسانجر

من فوق هاتلاقي خانة tools او ادوات لو بالعربي

لما تدوس عليها هاتطلعلك شوية اختيارات اختار منها options
بعد ما تفتح options هاتلاقي من فوق اختيارات اختار منها connection

وبعدين دوس علامة صح قدام السطر اللي مكتوب عليه

i use proxy server

وبعدين هاتلاقي مربع تحت ممتوب قدامه type اختار منه
http proxy

هاتلاقي تحتيها مربعين فاضيين

اول مربع مكتوب قدامه server

اكتب فيه 127.0.0.1

المربع التاني مكتوب قدامه port

أكتب فيه 4001 لو انت شغال ببرنامج jondo

اما لو انت شغال ببرنامج التور اللي موجود دلوقت اكتب فيه 8118

expenaticx يقول...

برنامج التور اشتغل تمام والحمد لله
اما عن الماسنجر ..فرقه النسخه كام الى فيه الاوبشن ده
لان النسخه الحديثه مافيهاش امكانيه الاختيار
وشكراا على المساعده وكل عام وانتم بخير

أبو قتادة المصري يقول...

السلام عليكم ورحمة الله وبركاته

اولا انا nothing remains

اخي expenaticx برنامج الماسنجر النسخة الجديدة تستورد اعدادات البروكسي من انترنت اكسبلورر لذلك غير الاعدادات internet explorer كالتالي

tools>internet options >connection > settings >use proxy servers for this connection
دوس علامة صح في المربع قدام السطر ده
use proxy servers for this connection

وبعديم اكتب الاعدادات البروكسي والبورت في المربعين اللي تخت السطر

ملحوظة : اذا كنت تستخدك التور ضع البورت رقم 8118
اذا كنت تستخدم برنامج japjondo استخدم البورت 4001

ملحوظة في نفس المربع الحواري الذي تغير فيه اعدادات البروكسي فيه سطر في الاعلى مكتوب كالتالي

automatic detect settings حوش علامة الصح اللي في المربع لو لقيت متعلم عليها

اما بالنسية لبرنامج الماسنجر فانك ان اردت ان ترى قائمة tools فهناك كذا طريقة

اول طريقة انك تدوس كليك يمين على على البرنامج في شريط ابدا ستجد ان شريط القوائم في البرنامج تم تفعليه

او اضعط مرتين في اي مكان فاضي في واجهة البرنامج

او اضغط على مربع التكبير

المهم ستحج قائمة tools

اختار منها
options>connections >advanced settings

لو وجدن ارقام مكتوبة امام كلمة socks امسحها

ودوس على test امام كلمة http

سوف يعمل اختبار للاتصال بين سيرفر البرنامج لو نجح سيكتب لك sucssed

ملحوظات هامة

اعمل اغلاق لجدار الحماية للوندوز

حاول تعمل سماح للماسنجر من برامج الفيروسات لان هناك برامج فيروسات تعمل بلوك او حظر للماسنجر

اظبط الساعة بتوقيت البلد الذي سجلت منه الايميل

اتوكل على الله وقول يارب

لو منفعشي يبقى انا تديني ايميلك وانا هابعتلك برنامج ممكن من خلاله تشغل حسابات كتير منها الياهو والجوجل ميل والماسنجر والسكايب وتشبكه بالتور لكن صعب شوية

ولك جزيل الشكر اخي الكريم

أبو قتادة المصري يقول...

انا Nothing remains

اخي expianitx

عذرا اخي الحبيب انا لم اجرب الاعدادات التي كتبتها لك فوق لكني وجدت الاعدادات الصحيحة غير هذه

وهي امط تذهب من قائمة tools

وتختار
options>connections>addvanced settings

ثم امام كلمة scoks

اكتب 127.0.0.1

وامام البورت اكتب 9050

اكرر لك اكتب 9050 ولا تكتب 8118 او 4001

وبعدين دوس test

ثم موافق وان شاء الله تشتغللللللللللللللللللللل

غير معرف يقول...

أنا عملت كل إلى إنته قلتلى عليه يا إسلا م إلى بيحصل كالآتى بيظهر فى برنامجmobile partner
إن سرعة الدونلود 70kb فى الثانية وساعات بتزيد لكن لما آجى أحمل بيدينى سرعة 10kb فى الثانية

أحمد محمد فاروق

ali يقول...

للاسف يا ابو قتادة
عملت كل الى انت قلتلى عليو وبرضة النت بيقف وانا شغال ببرنامج jondoوعملت الحركة الى قلتلى عليها وبرضة مافيش فايدة؟؟؟؟؟؟؟؟؟؟

بالنسبة انى افك شفرة اليو اس بى مش هتفيد فى حاجة لان فودافون قفلت الثغرة

وشكرا لاهتمام حضرتك
وكل عام وانت بخير

ali يقول...

النت بيقف كل 5 دقايق ومش عارف احمل حاجة وجربت خطين فى اليو اس بى

النجدة
النجدة
حد يقولى اعمل اية؟؟؟

expenaticx يقول...

استاذ nothing remains
كل عام وانت بخير
الف شكر على المتابعه
وده اميلى
expenaticx@yahoo.com

غير معرف يقول...

http://www.chesscube.com/play/app/
الموقع ده لو عرفت تقولي طريقة ازاي افتحه
والله هاشحنلك بخمسين جنيه رصيد

مشكلة الموقع ده في البورت رقم 1935

ومش راضي يقبل ولا يسجل بسبب ان البورت ده مقفول

وده ايميلي للتواصل dr2loob@yahoo.com

غير معرف يقول...

hello I'm not egyptian !!!litt me i say u blooshi thank you soo much...and you are a really man...plz I'M Use a jondo and Tor there are not work windows live massenger and another used call fone like jumblo...plz help me the way I worked this thinks....thank u soo much

mido يقول...

والله 10/10

محمد يقول...

انا جديد هنا يريت تقولي هو ليه البرنامج بيفصل كتير

غير معرف يقول...

البرنامج مش بقى عاوز يشتغل لييييييه
هو البروكسيات اتوقفت ؟؟
بس بجد ولله انت استاذ وبروفيسير
الله عليييييييييييييك

انا كنش شغال نت منه من حوالى 3 اسابيع
وبعدها ب اسبوع اتوقفت معايا


ولله انا عاوز اسجل ف المدونه بس مش عارف
لو ميضايقكش قولى
او ابعتلى الطريقه ع
W3DEL3Y00N@YAHOO.COM

احمد

mezo يقول...

الف الف شكر

غير معرف يقول...

سوال انا شغال على شبكة ويرلس هل ينفع الموضوع دة لكسر شبكة الويرلس عندى اكسس وبيجلى فى صفحة الاكسبلور يطالبنى باليوزرنيم والباسورد للشبكة
ولا الموضوع خاص باليو اس بى بتاع اتصالات فقط رجاء التوضيح ولو فى طريقة يارت محدش يبخل مشكورين جميعاً مقدماً

غير معرف يقول...

البرنامج دة رخم مش راضى يتصل نهائى وعملتلة كل الحيل يترا اية الحل

غير معرف يقول...

انا اسمي هشام محمد حابب اقولك الف شكر على المجهود وربنا يحميك ويساعدك زي ما بتساعدنا بس انا كنت حابب استفسر منك على شوية اسأله فلو ممكن يعني تضيفني عندك يبقا كتر الف خيرك hesham1232000_1232000@yahoo.com

egyptdr يقول...

الف شكر ليك يااخى الكريم
استفدت جدا جدا جدا

ahmed يقول...

انا مجربتش لسه حاجه
انا لسه شايف المدونه وبصراحه من ردود الناس واضح ان الكلام اللى فيها حفيقى مش اشتغاله زى معظم المدونات
تحياتى ليك يا بوب
تسلم

غير معرف يقول...

ana 3aez as2alk so2al ana 3andy usb etsalat bas mfhosh 5at we lazm 5at data 2a al 7al mmkn a7ol al 5at 3ady ldata wla 2a lo t3raf rod 3lea 3la


reda_ashraf7@yahoo.com

غير معرف يقول...

بجد ربنا يبارك لينا فيك

غير معرف يقول...

أنا السرعة على تور لاتتعدى على usb modem 50

غير معرف يقول...

والله العظيم بجد انت جاااااااااااااااامد جدا
وانا استفدت منك كتييييييييييييييييير
ده اول تعليق ليا
لانى اول مره اظبط النت ع الجهاز عن طريق الموبايل
وعاوز اسالك سؤال بس
ف رايك ايه افضل برنامجج اشغل بيه النت ع الكمبيوتر
عن طريق الموبايل خط اتصالات طبعا
اسلام

عبده الطوخى يقول...

مش شغال انا جربت خطين جداد وبرضه مش شغال مع العلم ان usb عامل كونكشن مع الخط بس البرنامج مش شغال

غير معرف يقول...

مش راضى يعمل كونكت بالخط العادى اصلا

smsmdida يقول...

انا التور عندى بيقف عند loading network ارجو الحل :(

دا على طول واناشغال ب يورفريدوم بس بطىءءءءء

عبده الطوخى يقول...

Tor Browser توقف عن العمل وجميع البرامج الاخرى ما عدا برنامج يور فريدم ولاكن بطئ جدا هل يوجد حل للبرامج التى توقفت عن العمل وانا ملاحظ ان كل التعليقات عن نفس الموضوع ومافيش رد ارجو ان يكون هناك رد سريع

emad_ghost يقول...

يا ريس برنامج التور بياخد وقت كتير يا ريت تقولي الوقت قد ايه بالظبط

غير معرف يقول...

يا جماعة البروكسى 10.71.130.29 خلاص انتهى لازم يبقى فية بروكسى سيرفر جديد.. يعنى اللى خلقة مخلقش غيرة

غير معرف يقول...

مش عارف اقولك ايه على العموم شكرا

غير معرف يقول...

هو فيه حل لمشكلة مودم موبينيل طيب ؟؟
انا عندى مودم موبينيل بس عاوز السرعه تبقى حلوة
وشكرا جزيلا لامعلوماتك دى

غير معرف يقول...

بصراحه الموضوع عاجبنى بس انت قولت اللى مش فاهم يجيب الموضوع من الاول ولنل مش عارق اجيب الصفحات اللى قبل كده ازاى؟

غير معرف يقول...

مش راضى يتصل

غير معرف يقول...

حضرتك الدونه بجد قوووووووووووويه جدا الله واكبر عليها يعنى بس انا كان عندى سوال معلش ممكن اكون غبى شويه هو البرنامج ده بيشتغل على USB Modem ولا ADSL بس اصل انا بستخدم USB Itisalat وبصراحه هى خاربت بيتى TnQ Man I am Waitin Ur answer

غير معرف يقول...

شكرا ولو اشتغل ليك مليون شكر



سلام

غير معرف يقول...

جزاك الله كل خير

غير معرف يقول...

جامد من يومك

غير معرف يقول...

الله ينور عليك استاذ

جريدة الاسماعيلية برس يقول...

مجهود رائع ....

غير معرف يقول...

الله ينور

غير معرف يقول...

اشغل جوجل ايرث ازاى

غير معرف يقول...

من فضلك حمل البرنامج على ميديا فير علشلن نعرف نحملة جزاك الله خيرا

غير معرف يقول...

انا عامل وصلة usb عادى ينفع علي الموبيل n70

غير معرف يقول...

ممكن‏ ‏حد‏ ‏يسيب‏ ‏رقمة‏ ‏اكلمة‏ ‏يفهمني‏ اكتر عشان ماشتغل غير مره واحده

Ahmed AL Masry يقول...

جزاك الله كل خير على الحصريات الجميله

نظرا لا الرابط الذى فى الاعلى لا يعمل

جلبت لكم رابط التحميل من الموقع نفسه

https://www.torproject.org/download/download-easy.html.en

أختر اللغه العربيه قبل التحميل

مع خالص تحياتى

أحمد الغنيمى _ أسيوط
___ ________ ______

غير معرف يقول...

ارجو حد يساعدني انا البرنامج مش بيشتغل عندي في الاول كان بيجيب no routing host وكان في رساله فيها حل الموضوع ده عملت زي مااتقال اختفت المشكله دي وظهرت مشكله تانيه بيفضل يعمل estabilishing an encrypted directory connection
ومش عارف اعمل ايه ارجواااا الافاده


ده ميلي lion2010_24@yahoo.com

غير معرف يقول...

السلام عليكم .. لو سمحت انا لما بسطب البرنامج وتتفتح صفحة فيرفوكس يقول لى ان تور باتون غير متوافقة مع فيرفوكس 13 ارجو الرد لانى محتاج البرنامج ضرورى لان السرعة عندى 1 كب \ث

ايمن عبد الكريم محمد يقول...

ارجو حد يساعدني انا البرنامج مش بيشتغل عندي في الاول كان بيجيب no routing host وكان في رساله فيها حل الموضوع ده عملت زي مااتقال اختفت المشكله دي وظهرت مشكله تانيه بيفضل يعمل estabilishing an encrypted directory connection
ومش عارف اعمل ايه ارجواااا الافاده

ايميلى
Ayman.today@yahoo.com
او
aymana400@gmail.com

محمد يقول...

السلام عليكم
الف شكر عالمجهود الرائع ده
بس انا لسة عند مشكلة الشريط بتاع التور مبيكملش
رغم اننا حطيت البريدجات
مازلت غير قادر على الدخول
كمان كنت عاوز اشترك معاكو في المدونة ازاي ؟
ايميلي fedm2002@yahoo.com

غير معرف يقول...

لو عاوز ردود كثير يا مستر بلوشي، يبقى لازم ترد انت كمان عشان تشجعنا إننا نسألك ..
أنا مثلاً نفسي أعرف إيه الفكرة المشتركة ما بين برامج الانترنت المجاني، وكيف تستطيع شركات الاتصالات إعادة ضبط الخدمة كلما انتهت الباقة المدفوعة..

شكراً

tito man يقول...

جوائز قيمة فى إنتظارك يومياً ولمدة شهر على إم بى سى مصرية مع منى الشاذلى ، إشترك الأن الكل يشارك بسرعة قبل بدأ المسابقة انا اشتركت الموضوع بجد والله بسرعة شارك وحقق احلامك .....
ادخل علي الرابط دة .... واشترك ... علشان تكون احد الفائزين ...
http://bit.ly/WCLWe2

غير معرف يقول...

الف شكر ليك يا مان بس انا سمعت ان كل البرامج دى مكشوفه وكنت عاوز اعرف الطريقه دى مبتاثرش على الmodem

غير معرف يقول...

احبتك من دونان اراك الف بوسة علي خديك الجملتيين بحبك ياكنترول

Ahmed Biso يقول...

Law El Program Da Echt3'al Bgd Na Ha2oll 3allik Prince :)

Ahmed Biso يقول...

Yrab Ytla3 Sh3'al :)

غير معرف يقول...

والله انت انسان عبقرى بس مفيش حاجة جربتها ونفعت معايا