عفوا يجب عليك الاشتراك بصفحتنا على الفيسبوك أولا

104
إعــــــدام اتصـــــالات...تصفح بسرعة البـــــرق..وتحميل فوق الـ 100..!

السلام عليكم

ازيكم يا شباب

معادنا النهارده حيكون يوم اعدام اتصالات

مع برنامج Gtunnel
البرنامج حجمه صغير جدا

لكن قوته اكبر بكتير

البرنامج لا يحتاج تسطيب

تابع الشرح معايا بدقة



حنفتح برنامجنا العزيز فيداليا اللى تم شرحه فى الموضوع دا

ونحط الاعدادات المعروفة
ملحوظة : تم تصغير الصور اضغط على الصورة لمشاهدتها بالحجم الطبيعى..




ونشغل فيداليا




وننتظر لغاية ما يشبك

كده كله تمام





حنروح بعد كده للوحش بتاعنا

وندوس على setting
ونختار نمط تور



بعد ما تختار تور
روح للديسك بار
واغلق البرنامج وبعد كده شغله تاني




وبعد كده
حتلاقي الشاشة دي


المهم ان احنا ننشط برنامجنا
عشان يدينا العلامة الخضراء





حنروح لخيارات
ونحط الاعدادات دي







بعد كده من انماط الاتصال

حنختار

standard mode

وحتلاقي البرنامج شبك باعدادات اتصالات
اللي حطيناها





طيب ايه اخبار الداونلود ؟؟









عشان محدش يتكلم ويقول مش بيجيب الـ 50

الصور دي من جهازي والله
وبنفس الطريقة المشروحة


للاسف الشديد واثناء تجربة البرنامج
لقيت انه احيانا بيقف
ويقول انك تعديت الاستخدام

ويخرج..
وتقدر تفتحه تاني وتكمل برضه عادي
وان شاء الله نلاقي حل للمشكلة دي


طيب ازاي بقى نشغل الياهو واي برنامج تاني ؟؟

اولا وقبل كل شئ

افضل برنامج لعمل كارت لان (دا اللى بياخد النت من برنامج الإختراق يوزعوا على باقى الجهاز زى Proxifier اللى سبق شرحه فى الموضوع دا)  كامل في رأيي
هو allproxy lite
وللاسف
هو مجاني لمدة 15 يوم

طيب ايه العمل ؟؟

بص يا ريس
تأكد من ان جهازك تمام التمام
والمتصفحات والبرامج متظبطة عندك
وبعد كده سطب الديب فريز

في ناس ما تعرفش ايه الديب فريز أنا هشرح فكرة عمله ع الماشى كده لحد م أنزله فى موضوع لوحده

البرنامج ده من اروع البرامج اللي شوفتها

مهمته انه يجمد اي بارتشن في جهازك على وضع معين
ومهما اضفت او حذفت ملفات للبارتشن ده
وبعد اعادة التشغيل
يرجع كله زي ما كان

واصحاب السيبرات بيستخدموا البرنامج ده اساسي
على كل البارتشنات
عشان يضمنوا ان مفيش حاجة تتمسح

طيب

دلوقتي احنا حنسطب ديب فريز
وحنطلب منه يجمد الـ C بس
عشان نحفظ قيم الريجستري
وبرنامج Allproxy lite
يفضل شغال معانا


ده شكل allproxy lite















والياهو اشتغل اهو







رابط Gtunnel

http://gardennetworks.org/download



allproxy lite

http://very-soft.com/allproxylite


وممكن نستخدم برنامج
proxifier برضه
او اي برنامج توزيع نت



بكده يكون أنتهى شرح موضوع النهارده
قبل م أختم كان عندى طلبين منكم
طبعآ زى م أنتوا شايفين أنا بعمل كل اللى أقدر عليه عشان أرقى بالمدونة دى أكتر و أكتر و مش طالب منكم غير كلمة شكر
تحسسنى إنى عملت حاجة عشان نستمر فى العطاء بإذن الله
الطلب الأول رغم أن المدونة مليئة بالموضوعات الحصرية لا زالت لا تحتل ترتيب يليق بها فى محركات البحث
و المطلوب منكم،يا ريت كل واحد عايز يدخل المدونة بعد كده بدل ما يكتب لينك المدونة مباشرة ، لأ يا ريت يدخل جوجل الأول و يكتب مدونة بلوشى و يدخل من خلال جوجل
و الطلب التانى و الأخير يا ريت الناس تنشر لينك المدونة على قد ما تقدر عشان ترتيب المدونة يزيد،يعنى مثلآ حطه فى توقيعك فى المنتدى أو على صفحتك فى الفيس بوك أو على تويتر أو أى مكان ، المهم عايزين نعمل من المدونة حاجة كبيرة..
أظن أنا كده بعمل اللى عليا و أتمنى أنتوا كمان تعملوا اللى عليكوا و تساعدونى زى ما بساعدكوا..
دمتم بود..

104 تعليقات:

غير معرف يقول...

انت جااامد ربنا يوفقك كمان وكمان

انا عايز اكلمك شات لو امكن رد علي وانا اكتب ايميلي


A.Sharkawy

غير معرف يقول...

السلام عليكم ورحمة الله وبركاته

انا م/محمد احمد ابوالوفا هندسة طيران

اولا يشرفني اني اكون اول الرادين علي موضوعك

شكرا لمجهودك الكبير شكرا لعطائك الوفير ......شكرا

اخي اتمني منك انك تبتدي بعد متخلص الحصريات بتاعتك طبعا تحل مشكل البرامج السابقة عشان يبقي معانا برنامج مبيفصلش تحميل سريع بيشغل العاب اونلاين بيعمل شيرنج يعني وصلة نت كاملة

بالتوفيق والي الامام دائما

غير معرف يقول...

شكرا لمجهوداتك الرائعه وموضوعاتك الحصرية دائما

Unknown يقول...

الف شكرا يا كبير وحكاية نشر المدونة دي انا مظبط الحكاية دي انا فضحة في الكلية عندي
هههه ....

غير معرف يقول...

ياريت يا مستر تتكلم عن الشبكات التانية وخصوصا فودافون لاننا منعرفش عنهم حاجة خالص
وياريت لو فية طريقة ما لعمل كونكشن بخط فودافون عادى على اكسس بوينت فودافون انترنت العادية

وللعلم انا اقدرت اعمل كونكشن بخط فودافون بدون رصيد عن طريق اكسس بوينت تانى
وظهر السند والرسيفر بس معرفتش ادخل نت على الرغم من انى جربت كذا بروكسى ومنهم البروكسيات المعروفة لفودافون
وكمان جربت يورفريدم وبرضة معملش اتصال
فياريت تقولنا على اى بروكسى يعملنا اتصال او طريقة
وهل هناك ثغرات فى سريال نمبر الخطوط تسمح بالكونكشن
لان فية خطوط بتعمل كونكشن بدون رصيد وباقى الخطوط مش بتعمل كونكشن يا ترى اية السر

_Code_

Mr Euphoria يقول...

شكرآ يا جماعة لمروركم و إهتمامكم..
لو حد عايزنى فى حاجة يا ريت يبعتلى رسالة من صفحة اتصل بى و ان شاء الله أرد عليه أو أضيفه لو الموضوع يستلزم،بالنسبة لموضوع الرد على مشاكل البرامج القديمة،ف يا جماعة أنا راجل هاوى مش متخصص فى المجال عشان أقدر أجاوب على كل الاستفسارات،أنا لسه فى اعدادى هندسةيعنى لسه بقول يا هادى و بحاول أخطف أى وقت أكون فاضى فيه عشان أنزلكوا حاجة جديدة،و بعدين برامج دى كلها ب حالات يعنى مع ناس بتشتغل و ناس لأ و السبب مجهول أو عايز وقت عشان توصله و أنا زى ما قولتلكم بحاول أخطف كل يوم ساعة عشان أتابع المدونة و فى الغالب بتكون فى تجربة برنامج جديد أو اضافة برنامج أو طريقة جديدة، يا ريت تعذرونى و يا ريت اللى يقدر يرد ع إستفسار بالنيابة عنى يرد،الموضوع بسيط يعنى مش معقد ولا حاجة..
و بالنسبة لموضوع فودافون فـ صحابى معاهم الشريحة الداتا شغالة تمام بس الخط العادى مش بيشبك إلا بـ Vodafone mms و للأسف فريدوم مش بيخترقها،بس واحد صاحبى قالى أن عنده ثغرة فى فودا هنزلها قريب بإسمه أن شاء الله..
و شكرآ يا ساموراى ع الفضيحة اللى أنتا عاملهالى فى الكلية،بس كلية مش كفاية،أنا عايزك تمسك يافطة و تكتب عليها مدونة بلوشى عيش ع النت ببلاش و تمشى بيها فى الشارع زى مراكز موبينيل المتنقلة كده..
ههههههههههههههههههههههههههههههههههههههه
حبيببى أنتا يا ساموراى والله..

غير معرف يقول...

السلام عليكم مستر بلوشى موضوع رأئع بجد بس انا لما جربت البرنامج ده اتصل وهو بيسحب من فيداليا بس مرضاش يتصل لوحده على بروكسى اعمل ايه اند الف شكر على المجهود الرائع اللى بتبذله عشانا (حسن)

غير معرف يقول...

اخى العزيز احنا عايزين نتواصل معاك بجد انتة انسان بارع ولك جزيل الشكر والاحترام لى طلبين هما برنامجYour Freedom
مبيشتغلش لية على ويندوز سفن
ثانياً موضوع الشيرنج انا جربت الشرح بتاعك تمام انك توزع نت ببرنامج Proxifier بس للاسف هو شغال تمام بس مبيطلعش نت للريسيفر وزى مقلتلك انى لما بشحن بفلوس بيكون شغال تماموالكمبيوتر بيطلع نت عادى هل فى طريقة للحكاية دى
طلب اخير عايزين نشترك معاك ياريت بقا تقلنا الطريقة لو سمحت للاشتراك فى المدونة و لك ارق تحياتى

السباعى يقول...

السلام عليكم ورحمة الله

نجم طول عمرك والله كنت فين يا راجل وحشتنا والله ربنا يعينك يا باشمهندس ربنا يحميك

deutsch يقول...

اخ بلوشي باشا انا وانا شغال ببرنامج ال Jap Jundo بيكون عندي حاجه اسها Remaind Credit
ةبيكون فها
Until to
Valid To

وهو ممكن اشترك وادفع في السنه باليورو وبيدني سرعه عالية وبتكون بكام والسرعه كم
شكرا ليك

Monatf5 يقول...

شكرا يا استاذ,بس احب اقول للناس اللى النت بيقطع منها السبب هو الاشارة الضعيفة مش برنامج الاختراق
و فى طريقة كدة للناس اللى بتحمل زيى باليل عشان نضمن ان التحميل ميقطعش خالص هبقى اكتبها فى موضوع بأذن الله و هبعتها النهاردة

غير معرف يقول...

ربنا يخليك لينا

shadow يقول...

تسلم ايدك والله
مجهود هايل
وعندى فكرة ليك هتفيدك برده فى نشر المدونة
تعمل جروب او بيج على الفيس
الانتشار فى الفيس اسهل حاجة

Unknown يقول...

ماشي ياكبير انت تأمر واحنا ننفذ علي طول
ههههه

غير معرف يقول...

شكراا يا معلم انت ليك مستقبل كبير بإذن الله

صوزااااااا يقول...

الف\شكر يا مستر و بالتوفيييييييييييق

غير معرف يقول...

اخي الفاضل اشكرك بشدة ولكن طلبي من فضلك
ارجوك تساعدني بضبط هذة الاعدادات الخاصة بنت اتصالات علي الويندوز موبايل بتاعي
كيف استخدم يورفريدوم وبرنامج توزيع النت علي الويندوز موبايل....ارجوك انا بحاجة ماسة لذلك فساعدني

elqadem يقول...

اشكرككككككككككككككككككككككككككككك
البرنامج جديد ورائع
بس للاسف سرعة زي سرعة يلتره سيرف
60:70

غير معرف يقول...

والله انك زى العسل علشان البرنامج دة انا قرائت على مواقع اجنبية ولكن تم شرحة بصورة سيئة ولكن حضرتك شرحتة شرح وافى ولكن انا عندى من فترةبرنامج فيداليا مش شغال ممكن اشفلة ببرنامج تانى

غير معرف يقول...

شوف يا ريس انا عندي مشكلة
كل ما أشغل فيدايا أو أي برنامج تور اللاب بيوقف وبيتشل تماما
متعرفش ليه؟؟؟؟؟؟؟؟؟؟؟
مع العلم دي مواصفات اللاب :
dell inspiron5010
i5 2.24 ghz
win7
ati mobility 5470
دي الحكاية دي طلعت عيني و عايز حللللللللللل

محمد محمود يقول...

شوف يا ريس انا عندي مشكلة
كل ما أشغل فيدايا أو أي برنامج تور اللاب بيوقف وبيتشل تماما
متعرفش ليه؟؟؟؟؟؟؟؟؟؟؟
مع العلم دي مواصفات اللاب :
dell inspiron5010
i5 2.24 ghz
win7
ati mobility 5470
دي الحكاية دي طلعت عيني و عايز حللللللللللل

Unknown يقول...

برنامج التور مش شغال خالص
ممكن حل يا بشمهندس
؟؟؟؟؟؟؟؟؟؟؟؟؟؟؟

eng_3osemy يقول...

على قكره انا اشتغلت ببرنامج فيداليا كويس ودخلت بيه موقعك
لكن اعدات اليوزر نيم والباسورد مش عارفها
انا اكتبت فى اليوزر نيم اتصلات انترنت
لكن الباسورد اجيبه منين

غير معرف يقول...

اخى الحبيب شكرا على المجهود و لكن جميع برامج الاختراق شغالة الاال gtunnel كل شوية يهنج

غير معرف يقول...

شكرا على المجهود بس البرنامج مش بيفتح بعد لما اقفل فيداليا حل ارجوك

غير معرف يقول...

بجد محترف ومن غير ماتقول بسرش من علي جوجل وصحابي كلهم بيسرشوا من عليه ربنا يخليك للغلابة الا لو الشريحة بتاعتي بعقد اغيرها ولا اخليها

غير معرف يقول...

نامج  شغال تمام التور  و  ال  جى  تنل  بس بيعقد  شغال غشر دقايق وبعدين يفصل  دة الجى تنل وبعد كدة  يجيب  الرسالة  دى

غير معرف يقول...

فعلاً برنامج فيدليا دة لا يعمل
وعملت كل الحيل حتى هذة الطريقة
شرح لاحد اخواننا فى المدونة
*****************
عشان تستعمل الحكاية دي وتجيب ارقام الناس اللي عاملة نفسها جسر او مضيف دي محتاجة في حالتنا دي اننا ندخل على العنوان التالي
خلو بالكو من حرف s الزيادة في كلمة http
https://bridges.torproject.org
لما هاتدخل على الرابط هايديك ثلاثة عناوين تحت بعض زي كده
98.169.100.140:443
83.101.44.10:443

المهم انت هاتاخد الارقام دي كوبي وتروح عند الصورة اللي هاتحط فيها البورت 10.71.130.29
بصو كده تحت هاتلاقو سطر مكتوب كده
MY ISP BLOCKS connection to the tor network
قدام السطر ده موجود مربع علمو عليه علامة صح هايظهرلكو مربع ابيض تحت وجمبع علامة +

انت بقى هاتاخد كل سطر من العناوين اللي في الموقع
https://bridges.torproject.org
زي كده 98.169.100.140:443
وبعدين تدوسو على علامة زائد تلاقو الارقام انضافت للمربع الكبير اللي تحت
كرر العملية دي مع كل عنوان وبعدين بعد ما تضيف الثلاثة عناوين اضغط اوك وبعدين اعمل اتصال تاني وان شاء الله هايشتغل
******************
ولكن للاسف بردة لم تعمل

eng_3osemy يقول...

لو سمحت يا باشا ما ردتش على سؤالى اجيب اليوزر نيم والباسورد منين



ولك جزيل الشكر

waladmasry يقول...

يا باشا والله انت عاوز بوسة فوق راسك

بس ممكن حضرتك فيه حتة مش فاهمها

احنا بعد ما نعمل استاندرد مود هانشتغل بالتور ولا كده نطلع منه ونكمل بالجي تانل

وفيه حاجة تانية انا عملت على proxifire اختبار للبروكسي بتاع Gtunle اللي هو 127.0.0.1 والبورت 8081 وعمل فشل في الاختبار ممكن حضرتك تشرح نعملها ازاي على البروكسيفير مع العلم انا شغتله ببروكسي التور لكن ماشتغلش ببروكسي Gtunle

وجزاكم الله خيرا
أبو قتادة المصري
nothing remains

غير معرف يقول...

برنامج فيدليا مش راضى يشتغل اية الحل ياجماعة اللى شغلة يقلنا على الطريقة بالله عليكم

غير معرف يقول...

شكراااااااااا أقولها وهي لاتساوي قدرك يراجل دانا حبيتك من غير ماأشوفك وده إميلي ياريت تضفني عندك msi_eng66‎@yahoo.com

غير معرف يقول...

السلام عليكم ....انا عمرو@
البرامج شغالة تمام لكن GTunnel بيفصل وياريت تشوفلنا
طريقة تخليه شغال علي طول
والف شكر ليك

غير معرف يقول...

برنامج فيداليالا يعمل كونكت اية الحل برجاء اللى جرب لا يبخل ان مش شايف استجابة للردود لية ياجماعة يعنى محدش بيرد على الاسئل ولا احنا عرفين نشترك فى المدونة

_Code_ يقول...

منتظر ثغرة صاحبك بتاع فودافون يا مستر بلوشى
ويارب يكون الموضوع القادم وشكرا مقدما يا ابن الاصول على معلوماتك الجميلة اللى بيبعوها فى منتديات
بنت تيييت ويشترطوا على الناس 250مشاركة وفلوس عن طريق كروت شحن ناس ولاد تيييييت
__________________________

الاخ eng_3osemyاللى بيسال عن اليوزر نيم والباسورد اللى هيستخدمو فى GTunnel
اليوزر نيم
internet.etisalat
الباسورد
internet.etisalat

واضغط test هيقولك
TEST SUCCEEDED
يعنى الاختبار ناجح
يبقى كلة تمام
والبرنامج جاهز
يارب اكون افادتك

_Code_

_Code_ يقول...

وبعدين يا اخeng_3osemy
لو مستخدمتش يوزر نيم وباسورد وسيبتهم فاضيين هيشتغل بدون مشاكل

غير معرف يقول...

السلامو عليكم.. انا مصطفى .. انا عاوز اجاوب عليكم بدل مستر بلوشى دا اذا سمح يعنى ... اوكى
دلوقتى بالنسبه للأخ اللى عايز اليوزر والباسورد . دا اليوزر :internet.etisalat والباسورد :internet.etisalat يعنى اليوزر هوا الباسورد مفيش اختلاف .. وبالنسبه للناس اللى التور مش اشتغل معاهم اقولهم اول حاجه اعملوها قبل تسطيب التور لازم تسصطبو الفاير فوكس عشان الجافا بتاع التور وبعدين تسطبو التور وخلى بالك من الجافا بتاع التور لأنه مش هيشتغل بدونها.. بالنسبه للناس اللى بروكسى فاير ما اشتغلش معاهم هقولهم ريحو نفسكو البروكسى فاير مش هيشتغل على البرنامج دا .. وعشان كده والراجل حاطط شرح لبرنامج بدال البروكسى فاير يا ريت تستخدموه.. يلااا اى خدمه سلاااام

eng_3osemy يقول...

الف شكر يا ريس
وشكر بجد على الاهتمام وبالنسبه للاخ صاحب المدونه الى دخل اعدادى هندسه انا فى سنه 4 مدنى
لو عايز اى خدمه

عمرو محمد يقول...

السلام عليكم انا اول مره ارد على حد لكن بجد انت اعطتنا كم من المعلومات كبير واسلوبك فى الشرح ممتاز بس فى طلبين الاول انا عندى الفادليا مش شغال خالص وشتغل عند صاحبى مرة واحده بس الطلب الثانى لو انت لك فى الهكر ياريت تشرحلنا وانا محتاج الهكر لسببين الاول هو ان ال عايز يحمي نفسه من الاختراقات لازم يعرف المخترق ل جهازه بيفكر اذاى ثانيا نفسى اضرب مواقع انا كارهها

غير معرف يقول...

البنامج ده كان شغال وتوقف من فترة مش عارف السبب ايه

غير معرف يقول...

طيب بالنسبة لللاخ مصطفى اللى بيتكلم عن تصطيب الجافا انا مصطب الفايرفوكس طبيعى طيب فين الجافا بقا بتاعت التور ثانيا ياريت نسخة تصطيب للطور بيتهيقلى تكون افضل ولا ان وجهة نظرى غلط لانة فعلاً مش راضى يشتغل نهائىولا نصطبلة جافا عادية من كمبيوترى برجاء التفاعل لكى يكتمل الموضوع

غير معرف يقول...

السلام وعليكم ... ياجماعه والنبى حد ينقذنى انا كل مابسطب الفداليا عند الاتصال بالتور يجى الشريط لحد النص ويقف مابيمشيش نهائيا حد يقولى اعمل ايه والنبى

hima يقول...

السلام وعليكم ... ياجماعه والنبى حد ينقذنى انا كل مابسطب الفداليا عند الاتصال بالتور يجى الشريط لحد النص ويقف مابيمشيش نهائيا حد يقولى اعمل ايه والنبى

سامى محرم يقول...

والله ياغالى البرنامج اشتغل بعد ذل لانه بيهنج يامة
بس شغل الياهو تمام و سرعة التصفح فيه حلوة بس عيبه ان فى مواقع مبيفتحهاش اما بالنسبة للدونلود فهو تقريبا زى مهوا 60
بس فيه حوار بالنسبة ل allproxy

دة فيدو يوضح كيفية تشغيل allproxy lite مدى الحياة

http://www.wonderhowto.com/how-to-hack-software-and-run-trial-program-forever-162448/


اتمنى انه يفيدكم



وانا فيه طريقة ان شاء الله هنزلها تزود الدوندلود مهما كانت سرعتة الى 20 %

غير معرف يقول...

اولا شكرا ليك لانك انقذتنا من المنتدى الحرامى اياه
هل فيه بروكسى معين ادخله فى الموبايل واشتغل عليه اتصالات مجانا بدل طريقة اوبرا مينى؟

غير معرف يقول...

ياريت نفس طريقة الشرح بس مش مع برنامج التور دة لانة مش شغال مش عارف لية لايكتمل وبيقف ودورت ومفيش اى حل فياريت نفس الطريقة مع برنامج Your Freedom
وبكدة تبقا انحلت المشكلة لانة شغال معاية تمام بس مشكلة السرعة فى التحميل وانا شايف ان برنامج التور حلهارجاء من الاخ صاحب المدونة شرح الموضوع ومشكور مقدماً على ما تقدمة

cool 7 m يقول...

البرنامج سعات يشتغل و سعات لأ بس المشكلة انو بيشتغل و بعدين بيقول ان ال limit خلص و يقفل

غير معرف يقول...

ولاهى مش عارف اشكر حضرتك ازاى فى منتدى تانى حرااااااااااامى يقلك ادفع 10 جنية فى الشهر علشان يديك الحصريات مش عارف اقول اة بس حضرتك ولاهى قمة فى الأدب و الأحترام و مش مجاملة ولاهى بس لو سمحت تشفلنل برنامج فيدليا دة مش عايز يشتغل خالص بيقف و لكم جزيل الشكر

_Code_ يقول...

لان مستر بلوشى كلف اى شخص بالمدونة بالرد بالنيابة عنه عن اى معلومة لا يعرفها شخص اخر ليكتمل التعاون والمعرفة للجميع فيما بيننا ولا يخفى احد معلومة عن احد
لذلك ساقوم بالرد عن بعض الاستفسارات

اولا بخصوص ان البرنامج مش شغال عند ناس كتير
اقولكم الاسباب واحدة واحدة تابعو معايا

1-نزلو نسخة التور اللى موجودة بالمدونة ولا تستخدمو النسخة الموجودة بمواقع اخرى او حتى الموجودة بموقع التور

لانى جربت نسخة موقع تور وهى حجمها حوالى 8ميجا ولم تعمل لدى فقمت بتجريب نسخة المدونة وهى حجمها15ميجا
فاشتغلت جيدا ولكن فى اول مرة اصبر عليها قليلا وستعمل ان شاء الله

2-يجب ان تضع بروكسى اتصالات بطريقة صحيحة فى المكان المخصص لة فى نسخة التور ويوجد شرح كامل للتور بالمدونة

3-يجب عدم غلق برنامج فاير فوكس المدمج مع نسخة التور اتركة بشريط المهام وانقل منة اعدادات البروكسى لاى متصفح انت تستخدمة

4-بالنسبة لويندوز سفن فى الغالب ويندوز سفن برامج كثيرة وتعريفات كثيرة لا تتوافق معه فانصحكم باستخدام اكس بى
اذا لم تريد استخدام اكس بى
تاكد من الاتى
ان البرنامج يتوافق مع سفن او تجعلة انت يتوافق مع سفن
والطريقة بكليك يمين على البرنامج وتختار خيارات ثم من القائمة التوافق وتختار اكس بى حتى يتعامل معه سفن بطريقة تعامل الاكس بى مع برامجة


يارب اكون ساعدت حد بالمعلومات دى او افادت حد من الناس اللى عندها مشاكل مع البرنامج



وفى النهاية شكرا لمستر بلوشى ومنتظر موضوع نت فودافون و الثغرة بتاع صاحبك يا مستر خليها الموضوع القادم.

ودعواتكم

_Code_

غير معرف يقول...

الله يعطيك العافية

وانا ادعمك عبر الضغط على الاعلا طوووووط انت عارف :)
بس ما بزودهاش

غير معرف يقول...

والله بردة مش رادى يشتغل انا جربت اوضعلة معلومات بتاعت برنامج Your Freedom
بروكسى 127.0.0.1
وبورت 8080
وفتح فعلاً معاية بس مضفش جديديعنى السرعة مازلت 10 كيلو بايت فى الدونلود يبقا اكيد البروكسى والبورتات دى لها علاقة فلو حد يشفلنا اية الحكاية انا شغال بيو اس بى مودم اتصالات زى الفل ببرنامج Your Freedom
ولكن مع التور مش راضى اصلاً يشتغل ولا الفايرفوكس راضى يفتح قبل البرنامج التور ميعمل اتصال طبعاً اقصد فايرفوكس المدمج مع التور بس لما فتحتة ببورتات برنامج Your Freedom
فتح وفتح الفايرفوكس بتاعة وطبعاً اصلاً انا متصل ببرنامج Your Freedom يعنى فاتح نت اصلا ياريت بقا نلاقى حل لحسن النت دة اسمة سباق السلاحف 10 كيلو بايت دة شلل ياريت حل ياجماعة والكل يشارك

غير معرف يقول...

اخى العزيز الطريقة لا تعمل انا شغلت برنامج التور وحطيت البروكسى لكنة لايريد ان يتصل
من فضل حضرتك ممكن تقولى لية السبب
لدى واحد من اصحابى يشغلون الانترنت من اتصالات ببلاش وبدون اى برنامج من هذا انة يتصل ببرنامج pc suite ويعمل حركة كدة ويشتغل زى الفل
ياريت تقولى الطريقة لانى بجد محتاجها
الف شكر ليك مرة اخرى عزيزى ومنتظرين جديدك

غير معرف يقول...

مفيش حل لمشكلة الجى تنل اللى بيفصل كل عشردقايق اى برنامج تانى التور شغال تمام بس جى تنل بيفصل بعد مابيشتغل وتيجى رسالة you use all limit

غير معرف يقول...

السلام عليكم انا عمرو متابع لمدونتك وشغال ب n70 وبقول للناس الى مش شغال مهانا البرنامج بتاع فيدالينا يجماعة شغلو برنامج فرى دووم وبوكسى فير الى مشروح فى المودنة ودة طبعا هيشغل الجهاز كلة بس سرعة بطيئة استخدموا بقبة برناتمج التر سيرف 92 دة احسن اصدار القديم ومش بيقطع وبكدة هتستخدمة فى فيرفوكس وانترنت دونلود والتانى تشغل بية برام الجهاز وشكرا وسؤالى لو جبت يواسى بى اتصلاات هتزيد السرعة عن 50 كيلو بايت وهيشتغل على البرامج بتعاتى

غير معرف يقول...

سلااااااااامو عليكم انا مصطفى ..
يا جماعه بالنسبه للأخ بتاع اليور فريدوم .. لازم بعد ماتعمل بحث عن السيرفرات ولقيت سيرفرات اختار السرفر واضغط التالى بعد التالى هتخش على اعددات يور فريدوم هتعمل(( بروتوكول الاتصال UDP))...(والمنفذ 53)) دى حاجه مهمه جداً وبعدين اخرج من البرنامج وادخل تانى واعمل اتصال عادى جداً هيتصل معاك.. وبالنسبه للأخ بتاع برنامج التور هقوله الجافا موجوده فى قلب البرنامج يعنى فى وسط التسطيب البرنامج بيخليك تسطب الجافا واحسن ليك لو نزلت التسخه اللى مش بروتابل تبقا كويس اوى هيا حجمها 24 ميجا نزلها من الموقع بتاع البرنامج https://www.torproject.org/vidalia/download/download/download/download.html.en

غير معرف يقول...

يا مستر عايزين اى موضوع عن فودافون او اى ثغرة جديدة
لان بروكسى اتصالات اللى الكل مستخدمة بقى ممل فى التصفح والداونلود ولو تعرف بروكسى غيرة او اى ثغرة جديدة لاتصالات ياريت تقولها
وياريت لو حد عندة اى ثغرة لفودافون يقولها او اى ثغرة فى خطوط الداتا بتاع اتصالات بدون رصيد
ياريت كل اللى معاة معلومة او ثغرة يتكلم عنها او يعمل لها موضوع

غير معرف يقول...

انا فاضح للمدونة فى لعبة ايكاريام

zeyad

غير معرف يقول...

ياريت الاخ اللى بيقول على النسخة التنصيب العادىمن برنامج التور يعطينا رابط مباشر ليها لانى حملت نسخة حجمها 25 ميجا وبردة نسخة برتبول يعنى لاتحتاج تنصيب اصلاً ومشكورين جميعاً على المساعدة

غير معرف يقول...

السلام عليكم ورحمة الله بركاته
انا اسمي هشام محمد وكنت حابب اشكرك على المجهود الرائع اللي انت بتعمله بس للاسف عندي شويه مشاكل
اولا الياهوو مش شغال ومش عارف اشغله ازاي
ثانيا برنامج ال Proxifier اول ما بيتغل بيوقف النت على طول وبيوقف برنامج جي تانل فياريت تقولي ازاي اشغل جميع برامج الشات لو سمحت معلش انا بتعبك بس انا بصراحة دخت في المنتديات على كلام جاد وفعال ملقتش غير هنا والله فأعزرني يعني ...
المهم انا عايز اعرف ايه فايدة برنامج البروكسيفير دا ازاي اشغل كل برامج الشات وازاي اخلي الجي تانل ميفصل وحاجه كمان معلش انا مش فاهم حتت استخدام الديب فريز يعني نستخدمه ازاي وليه بخصوص النت يعني .
ولك مني كل شكر واحترام وتقدير
اه صحيح نسيت انا عايز اشترك في قاءمة اصحابنا وحبايبنا بس مش عارف ازاي لو ممكن يعني
سلام

غير معرف يقول...

الله ينور عليك مستر بلوشي

حنفي يقول...

بارك الله فيك وعافاك وجعلك دوما معينا و خداما لمصالح رب العباد

مصراوية مول يقول...

بصراحة انت اكتر من رائع
ميرسي جدا جدا
ربنا يحرسك بجد
انا علطول بدخل المدونة من بحث جوجل عشان دي اقل حاجة اقدمهالك
رعاك الله

غير معرف يقول...

سلاااااااامو عليكم .. انا مصطفى
ازيكو يا بلاليش عاملين ايه .. انا هجيبلكو من الاخر كده يا جماعه وهقولكو حاجه صغيرا وفكره بسيطه وحلوه ومش هتكلفنا كتير .. انا مش عايزكو توجعو دماغكو على الفاضى من الاخر كده الحكايه كل مدا بتصعب وكل ما نجيب برنامج يزود السرعه يطلع فيه عيب .. احنا هناخدها من قصيرها وخلاص .. دلوقتى احنا ممكن نستعمل برنامج يور فريدوم ونستعملو بفلوس ونشترى سرعه ونشتغل بيها لأن البرنامج دا الوحيد اللى بيفضل شغل ومش بيفصل ابداً وعن تجربه وغير كده وكده هو الوحيد اللى بيشغل لينا كل برامج الجهاز وهو الوحيد اللى بيشتغل على البروكسى فاير يعنى كارت لان وكده وكمان كفايه ان احنا اللى بنختار السيرفر اللى بنشبك عليه يعنى مش سيرفر واحد عشان طبعاً اللى بيستعملو البرنامج دا كتير اوى ولو كل الناس شبكة على سيرفر واحد اكيد هيبقا فيه تأثير وفيه مواصفات كتير اوى حلوه وغير كده انو بيشتغل على خط الداتا يعنى مش لازم يكون عندك خط عادى واحنا مش هيبقا عندنا حاجه زى دى وهندور على المتاعب .. هيجى واحد يقولى احنا بندور على برنامج يخلى النت سريع هرد عليه واقوله ما تحوالش ومش هتلاقى انا فضلت شهر ونص ادور على برامج يأديلى الغرض دا ما لقيتش لدرجة انى ليا اصداقاء فى روسيا وعباقرا حكيت ليهم على الوضع وسألتهم قالو هو فيه برامج بس هتتعبك اوى وكل حاجه فيها ميزا وعيب والعيوب بتبقا اكتر من المميزات وغير كده الحدايا مش بتحدف كتاكيت زى ما بنقول يعنى مفيش حد هيبقا عامل برنامج يخلى النت كويس وهيحطه على النت كده ببلاش اكيد هيبقا فيه مقابل ....
دلوقتى احنا لو ناوين نشترى دماغنا يبقو تسمعو اللى هقولقو عليه .. اللى عايز يشترى سرعه ويستعمل يور فريدوم يعمل تعليق ويقول ولو وصلنا لعدد كويس هنكلف واحد يكون امين ونثق فيه وليكن مستر بلوشى دا لو وافق او يكون عنده وقت لكده او احنا اللى نشترى كروت الكاشيو ... يجيبلنا حسابات الكترونيا ويحولنا الفلوس مقابل رصيد او احنا نشترى كروت شحن كاشيو ونحول لبعضنا.. يعنى احنا هنعمل حساب فى الكاشيو البنك الالكترونى وهنشحنه كل فترا.. المبلغ مش كتير اوى .. يعنى مش هيعدى ال100 جنيه ولو وافقنا هنخلى مستر بلوشى يعمل شرح لكيفية التسجيل فى الموقع وشراء حساب وعلى فكره مستر بلوشى جرب الحكايه دى وبيقول ان مفيش لعب ولا حاجه .....

غير معرف يقول...

اخى العزيز شكرا على المجهود الرائع
وارجو منكم تجربة هذا البرنامج wi-free
اعرف من يصل الدونلود معهم الى 300 باستخدامه
ولكن لا اعرف كيف ارجو الافادة

غير معرف يقول...

بالنسبة للبرنامج اللي في مشاركة الاخ سامي محرم طلع رائع جدا وينفع مع اي برنامج trial بيعمله freeze له وحده مش السيستم كله
واللينك اهه
http://www.nirsoft.net/utils/run_as_date.html

غير معرف يقول...

اخوانى الاعزاء : اولا احب ان اشكر مستر بلوشى على الجهود الرائع فى المدونه .
ثانيا : لمن لم يعمل معه برنامج التور اليك ما فعلت فى اعدادت الوكيل بروكسى قم بوضع
اسم المستخدم :internet.etisalat
وكلمه السر :internet.etisalat
فى الشبكه مع addres : 10.71.130.29 ,port :8080
وسوف يعمل البرنامج انشالله

غير معرف يقول...

السلام عليكم
بجد انا حابب اشكركم على مجهودكم الرائع
انا بجد قليل الخبره فى الموضوع
وحاولت اعمل كل الى انتم قايلينه بس مش اشتغل
برنامج التور مش بيحمل
وانا مش عندى نت فى البيت
يا ريت الى يقدر يعمل موضوع يكون شغال من الالف الى الياء يا ريت يبعته (بس يشتغل والنبى )
على المدونه .
شكرا جزيلا

غير معرف يقول...

انا معنديش مانع يا مصطفي
انا فكرت اشتري يو اس بي مودم احسن من الي معايا عشان يزود السرعة

عموما شوفوا وردوا عليا

انا م/ محمد احمد ابوالوفا مهندس طيران

غير معرف يقول...

شكرااااااااا بجد

غير معرف يقول...

عندى النت شغال زى الفل بس سغات مش بيرضة يحمل ويبقى فى اشارة فى المودم

غير معرف يقول...

G-Tunnel is closed

Due to financial constraints, we are sad to announce that we will soon discontinue services to requests that are not originated from mainland China. We will put in place firewall and server policies that will reject non-China client IPs.


We have offered free services for the benefit of our users since the year of 2001. Given the economy situation, we have to make necessary adjustments to our resource allocation.

Doctor Moslem

دكتور/مسلم يقول...

برنامج ال G Tunnelغير مدعم حاليا لغير الصينين
هل يوجد بديل

http://gardennetworks.org/

Due to financial constraints, we are sad to announce that we will soon discontinue services to requests that are not originated from mainland China. We will put in place firewall and server policies that will reject non-China client IPs.


We have offered free services for the benefit of our users since the year of 2001. Given the economy situation, we have to make necessary adjustments to our resource allocation.

عادل يقول...

جربت البرنامج الفيداليا

لكن مش بيشبك خالص مالحل اخواني

غير معرف يقول...

شكررررررررررررررررررررررررااااااااا
البرامج شغاله تمام

غير معرف يقول...

ثانكس بس انا كنت عاوز برنامج الديب فيزر ده علشان مش عندي وشكرا تاني مشكوووووووووووووووووووووووووووور

غير معرف يقول...

اولا شكرا على كل المجهودات اللى انت عاملها دى بس للاسف الاتصال مبيكملش ثوانى ويفصل ممكن طريقة لعدم الفصل

shamandis يقول...

سلام عليكم جزاك كل خير

DR CEZAR يقول...

انا اساسا مش بضيف اى تعليق على اى موضوع
بس فعلا مواضيع المنتدى دى كلها تستحقو الشكر عليها وعلى المجهود الجبار اللى بتبذلوه فيها بجد تسلم ايديكم وفى تقدم وجديد ان شاء الله واحاول انى اكون من الناس اللى يشهرو المدونه دى ويخلوها فى السماء لان ده مكانها فعلا
شكرا على المجهود

A7med يقول...

مفيش حاجة غير
GTunnel اللي فصل خلاص ده
كان شغال زي الفل
بس يافرحة ماتمت

eng_3amor يقول...

بسم الله الرحمن الرحيم طبعا لا شك مجهود جبار و مواضيع رائعة
بس حبيت اضيف حاجة بعد اذن مسار بلوشي ان الياهو ممكن يتفتح من غير برامج خالص من كونكشن -> و نختار http بس لازم يكون انترنت اكسبلورر مفتوح و اعداداته مظبطه و شغال عشان الياهو هياخد النت منه
الطريقة شغالة معايا و ان شاء الله تشتغل معاكوا تحياتي ...

غير معرف يقول...

السلام عليكم
ازيك يا بشمهندس
انا بجد مش عارف اشكرك ازاي علي مجهوداتك معانا ...
أحب اطمنك ان الموضوع اتنشر وبقي اشهر من النار علي العلم
وانا طالب في كليه هندسه اسيوط قسم كهربه
ومتتخيلش المواضيع دي لما بتتعرف هنا بتنتشر زي الصارووووووخ.....

غير معرف يقول...

البرنامج GTunnel فعلا رائع

لكن للاسف بيفصل بعد دقيقة

ارجوك شوف حل للبرنامج او بديل

وشكرا يا اخى على مجهودك العظيم

غير معرف يقول...

والله بجد انتا انسان قمه فى كل افكارك ربنا يوفقك دايماا

غير معرف يقول...

أرجوك برنامج فيداليا مش بيشتغل معايه بيحمل للنصف ويقف وانا ضبط الاعدادت ومش عارق اعمل ايه ارجوك انقذني وندزي xp

محمد الديسطى يقول...

يا جدعان ماتقلقوش الحل موجود وباذن الله فى اقرب وقت هيكطون على المدونة وشكرا ليكم كلكم

Unknown يقول...

السلام عليكم ورحمة الله وبركاته
الله ينور عليكى يا باشا تسلم يا اخى
بس سؤال هل يوجد اى مشكلة ممكن تحدث بسبب هذه البرنامج من قبل الشركة يعنى ممكن اتصالات مثلا تعرف احنا شغالين ازاى وتعمل لينا مشكله او محضر او كلام من ذلك يعنى

غير معرف يقول...

تحياتى لبلوشى اعضاء ومبدعين وبلوشية
و دى اول مرة اكون معاكم وفى هدية
قيمة ان شاء الله بس ننتظر الموافقة
ـــــــــــ
super admin

غير معرف يقول...

كنت عرفت طريقة البروكسى زمان اوى من سنه كدا
وعرفتها لوحدى كدا
كنت بغيير الاى بى ببرنامج الألترا ولقيته فتح نت ومن وقتها وانا بشتغل وبدور ع البروكسيات
ولما كنت شغال زمان من غير بروكسى
كنت افتح انترنت اكسبلورر 8 واحط لينك الموقع ال انا عايزه وافضل ضااااااااااااااغط على اينتر وافتح صفحة تانيه واعمل فيها كدا تكون الأولى فتحت
والداون لووود كان مابين ( 25 : 30 كيلو بايت ) ومش بيقف
هى طريقه صعبه شويه انما كانت حلوه اوى وللأسف من شهر 3 من شغاله من وقت ما اتصالات عرفت البروكسيات والكلام دا ف ظبطوا وغيروا كل حاجه
==========
الأهم
انت بتقول بتحمل بسرعة 100 والدليل موجود وانا مصدقك انما انا بحمل ب 10 لـ 15 كيلو بس وبيفصل كتير اكبر حجم حملوا كان 45 ميجا من 200 ميجا ووقف وع طول بيقف مش عارف ليه !!؟
والموبايل مش بيجيب 3G مع انها كانت موجوده زمان !!
لو شغلته ع مودم يو اس بى ياترى السرعة هنزيد ولا ؟
بس حد يكون مجرب
==========
الحمد لله ع كل شىء طبعاً انما عايزين المزيد
وناس كتيره بتبقى عارفه طرق كويسه اوى ومش بتكلم عليها
ياااااااااارب نلاقى حاجه جديده
وشكراً ليك ع البروكسى الـ عرفته منك

غير معرف يقول...

وش مشكلته مع برنامج adobe flash
دايم تلقاه عطلان لاشغلت التور

غير معرف يقول...

بجد بجد الف الف شكر يا كبير اوى
يارب ربنا يوفقك كمان وكمان ياااااارب

عمر صالح يقول...

يا استاذي الكريم البروكسي مش شغال
مفيش بروكس تاتي اصل الثغره اتقفلت وانا
لما دخلت باليو اس بي دخل عادي بس حصلت نفس المشكله

غير معرف يقول...

;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;)

غير معرف يقول...

دي اول مرة ادخل هيك مدونة الله يجزيك عنا كل خير وتصل الى مرادك

غير معرف يقول...

على فكره في برنامج اسهل بكتير جدا جدا جدا لفك شفرة usb modem اسهل من الي حضرتك تناولة شرحه اسم البرنامج UNLOCKER.

اول شيءمش بيحتاج تنصيب ولا اعداد.
تاني شيءاستخدامه سهل جدا كل المحتاجه البرنامج هو IMELفقط .

تاني شيء حجم البرنامج صغير جدا لاتتاجوز 26kb.

غير معرف يقول...

اجيب نامجنا العزيز فيداليا منين

Ahmed AL Masry يقول...

جزاك الله كل خير

انتا فعلا انسان عبقرى وربنا يكتر من امثالك وينجحك يارب

وربنا يخليك ويبارك فيك ويجعلها ان شاء الله فى ميزان حسناتك

بس سرفر البرنامج مش شغال اتمنى ان تشوف سرفر لتحميل برنامج

وانا متابع معاك ان شاء الله

تحــــياتــى للـجميع

أحمد الغنيمى ـ أســــــيوط
ــــــــــــ ــــــــــــ

هيرووووووو يقول...

استاااااااااااااااااااااااااااااااااااذ

علي احمد يقول...

الحالة بتقولي جاري الاتصال بدليل التحويلات
ومطوله ومدينش نتيجيه ايه السبب وشكرا ارجو الرد عليا بسرعه

عيون مصر يقول...

انا جربت الطريقة اخى الغالى لكن للاسف لا تعمل معى هل من اعدادات جديدة

الكنسل يقول...

شكرا الف الف شكر على المجهود الجبار وعلى القريب برنامج لفتح النت على طول مجانى 100 فى 100 وشكرا

غير معرف يقول...

يا عم الحاج ممكن تعرفني اية هو فيداليا لو سمحت

غير معرف يقول...

الف شكر ياكبير على الشغل الجامد ده

غير معرف يقول...

ياباشاء برنامج التور مش شغال عندى ياريت تشفلى حال

غير معرف يقول...

الف شكر بس انا عايز طريقة بسيطة وسهلة تخلى الفيديوهات ماتقطعش كل شوية على النت